قصة يتيمه00 لاتفوووتكم روووعه

السلام عليكم ورحمة الله وبركاته

انا جايبه لكم قصه روعه قريتها في احد المنتديات
واتمنى انها تعجبكم يا اروع اعضاء في اروع منتدى0000000
اتتركم مع القصه ..؟

الجزء الاول….

وصايف للتكسي … خلاص صديق وقف هني …
التاكسي.. حساب ماما دينار ..
طلعت وصايف من جنطتها الفلوس وعطته التاكسي وراحت في طريقها ….
اول مادخلت المستشفى تلفتت يمين ويسار وحست كلن يطالعها
عدلت نقابها وعباتها
ونزلت راسها وكملت طريقهاا وهي حامله معاها اغراض لبوها …
اول ماوصلت للغرفه حطت ايدها على الباب تنهدت وقامت بتدخل وقفها الدكتور محمد …

د. محمد .. اخت وصايف لوسمحتي ..
وصايف .. هلا دكتور سم بغيت شي..
د. محمد … مايامر عليك عدو بس بغيتك بكلمه بمكتبي..
وصايف.. خير يا دكتور في شي صار شي لبوي..
د. محمد … مو صاير الا كل خير بس بغيتك ..
وصايف .. انشالله بس بحط الاغراض عند ابوي وجايه وراك ..

دخلت وصايف لغرفه ابوها وحطت الاغراض على الطاوله
وراحت عند الدكتور محمد ..

دك دك دك .. صوت الباب
د.محمد … تفضلي وصايف..
وصايف… زاد فضلك ..
د.محمد ..
وصايف ابوك صاره اسبوعين هنا بالمستشفى ولا شفت ولا مره احد من اعياله هني
لاني بحاجه لرجال اكلمه عن حالت ابوك ..
وصايف.. انا عن الف رجال يا دكتور..
د.محمد .. والنعم والله بس انتي بنت وصغيره في السن قابلي دروسك وخصوصا وان الاختبارات على الابواب يابنتي ..
وصايف.. وش تنفع فيه الامتحانات دام ابوي بالمستشفى ..
د.محمد .. لا يابنتي تنفعك باكر بس قولي لي مالك اخوان عمان خوال ..؟
وصايف ,, تنهدت.. عندي يا دكتور عندي بس بالاوراق مجرد اسمي واسم ابوي يشبه اسمهم
عمرهم يادكتور مارفعوا سماعة التلفون وكلموا ابوي وتعرف ابوي من خمس سنوات وهو
مريض بالسلطان وانا بنت كان عمري 11 سنه اكافح مع ابوي لا ام لا اخو لا عزوه ولا عندي
اللي يسندني من وانا طفله ماتهنيت بطفولتي كل حزن كل بكى اخاف يجي يوم واجلس بروحي
بالهدنيا لاونيس ولا ابو ..؟؟

د.محمد .. وامك وينها يابنتي
وصايف.. ضحكت ضحكة سخريه .. امي امي مالي ام يادكتور ..
د.محمد .. كيف مالك ام ..
وصايف.. امي ضاعت من زمان من كان عمري 5 سنوات امي يادكتور ماهي كوتيه او خليجيه
امي من الجنسيات الاجنبيه ابوي كرمها عزها رزها لاكن هي نكرت العشره ودخلت رجال غريب بيت ابوي وعقبها ما شفتها ولا ابي اشوفها سبب مرض ابوي هي تعرف شلون الرجال ينطعن بشرفه يادكتور كيف من اقرب الناس له وهي زوجته ..
د. محمد .. مالك اخوان ..
وصايف.. لا وحيدة ابوي …
د.محمد .. انزين تقدرين تعطيني ارقام عمانك او اسمائهم عشان اتفاهم معاهم ..
وصايف.. لا والله يادكتور اقولك عمري ماشفتهم …؟
د.محمد .. شلون ماشفتيهم مو هم بالكويت كم واحد عمانك يا وصايف..
وصايف.. عماني 3 من غير ابوي الكبير خالد هذا بالسعوديه ساكن فيها وتاجر كبير بالسعوديه
وعمي الثاني عبدالله بالكويت رجال عنده خير والثالث سعد مع عمي الكبير ساكن وما اعرف اذا عندهم عيال او لا او عندي عمات والله مدري ..؟

د. محمد .. انزين ممكن اسألك سؤال تطفلي ياوصايف..
وصايف.. اسأل يادكتور والله اني اعدك مثل ابوي ..
د.محمد .. شنو سبب تفرقت عمانك وليش مجافين ابوك ..؟
وصايف.. اوقلك يادكتور.. ابوي قبل راح يشتغل بالسعوديه ومكان عنده الجنسيه السعوديه
فسجل كل املاكه بسم عمي سعد الاصغير طمع عمي بفلوس ابوي فسحبها كلها على ابوي
ابوي انغبن من هالسالفه فتهاوش مع عماني لانهم يحسبون الفلوس صج بسم عمي سعد
لانهم مايدرون عن الاتفاق اللي بين ابوي وبين عمي ابوي طلع وسافر لندن وجلس فيها
سنتين تزوج امي وجابني انا وبعده تطلقت امي ومرض ابوي ولا جاء اليوم اللي شفت عماني
فيه …
د.محمد .. انزين وين انتي ساكنه عند منو من اسبوعين ومنو يعيلكم ..
وصايف.. ساكنه بملحق حتى القطاوه ماترضى تعيش فيه لانا بعنا بيتنا عشان
تكاليف علاج ابوي وعايشين على معاش ابوي التقاعدي اللي شيل منها الاقصاد
والديون اللي على ظهر ابوي..

د.محمد .. الله يعينك يابنتي ويصبرك واذا اعتزتي اي حاجه لايردك الا لسانك..
وصايف.. تسلم يادكتور ماتقصر تبي اللحين رجال يتفاهم معاك بخصوص ابوي ..
د.محمد… لا والله تكفين وتوفين بنت رجال ياوصايف ..
وصايف.. ابتسمت .. استأذن يادكتور ..
د.محمد.. اذنك معك .. بس بخصوص العمليه خلاص بعد اسبوعين بنسويها ..
وصايف.. خلاص يادكتور اللي تشوفه .. بس كشرت وصايف وابن هذا عليها من
عيونها اللي كانت طالعه من ورى النقاب …

راحت وصايف تمشي بالممرات وهي رايحه لبوها بالصدفه لقت وحده من صديقاتها ….
غرام .. هلا وصايف كيفك ..
وصايف,. هلا قلبي شلونك انتي انا بخير..
غرام.. جايه عشان ابوج لالحين ماطلع ..
وصايف.. لاوالله لالحين بنسوي العمليه ..
غرام.. يقوم بالسلامه ..
وصايف.. شعندج جايه هني ..
غرام.. ماقلت لج ..
وصايف.. لالا..
غرام. يقطعني فطوم اختي جابت توم بنات وبنسميهم غرام ووصايف ..
وصايف.. ههههههههههههههههههههه مبروك عاد يوم كلمت فطوم تقول توى علي
غرام .. فطوم ولدت وهي تقول توى علي
وصايف.. اجل امشي استأذن من ابوي واشوف فطووم ….
غرام ..اوكي ..

يتبع

غرام هذي رفيجت وصايف الروح بالروح وأحد افراد الشله اللي تتكون من 5 بنات
وصايف ( 16 سنه وهذي اجملهم لانها طويله وجسمها حلو بيضه وشعرها لين ركبها وناعم وكثيف بالحيل وبنت جمالها ناعم حيل وكلها انوثه واحلى مافيها عيونها اللي كبار ولونها مابين العسلي والخضار)
غرام(16 سنه بنت حلوه ماعليها مرحه وسوالفها جنان )
فاطمه.( اخت غرام عمرها 18 متزوجه صار لها سنه وبنت نفس طبايع اختها )
اسماء( رفيجتهم بعد وهذي اخبل بنت بالمدرسه كلها وفيها دفاشه وشوي البنت مربره ونفس عمر رفيجاتها )
شعفه ( هذي بنت بين عايلة كبيره واخوانها وخواتها واجد ومتأذيه منهم بس على كذا فيها
خفه دم وسرعه بيدها مو على احد وعوبه ويسمونها بوعذاب لانهاا نفس خشته وتحب اغاني السمره ودايم تلبس سراويل اخواها سنه تحت مريولها المدرسه وهي قريبة لغرام امها بنت خالت امها …)

((…وصايف لادخلت المدرسه تنسى كل عالمها وراها تغير من البنت الحزينه الى البنت المرحه
وتحب المدرسه وتكره شي اسمه العطله مو حب في الدراسه لاكن المكان اللي تضحك فيه من
القلب هو المدرسه مع شلتهاا …..))

دخلت وصايف على ابوها ولقته صاحي .. ابوها اللي خاف عليها لانها تأخرت …
ابو وصايف.. وينك فيه للحين ياوصايف خفت عليك ..
وصايف.. جيتك لقيتك نايم ورحت للدكتور محمد اسأله عن صحتك وبالطريق شفت
غرام ايه ماقلت لك فاطمه ولدت بروح اسلم عليهاا ..
ابو وصايف.. لالا مبرووك ياغرام وعقبالك انتي ووصايف افرح فيكم
غرام.. الله يبارك فيك عقبال مانفرح فيك وانت طالع من المستشفى..
ابو وصايف.. هههههههههههههههه امين روحي يابنتي ولا تطولين عشان تدرسين
غرام.. لا تخاف بنتك دافور تنجح ياعمي
بو وصايف.. قولي ماشاءالله ..
وصايف.. وتطق غرام على كتفها خلصيني بروح لفاطمه …
غرام .. مع السلامه عمي
…

وراحو لقسم الولاده عند فاطمه ….
وصايف.. بوووو فطووم ….؟
فاطمه.. تطالعها من طرف عين ما اكلمكم اللحين صرت مره وعندي بزورتين
وصايف.. اصلن مفروض حنا مانماشيج بعدين ننحرف من سوالفج ..
فاطمه.. ماقلتلكم شلون الولاده .. اسمعي
وصايف.. قولي اسمع..

وبهلحظه تدخل عليهم شعفه معها عصيده ومرقوق وجايه معها برقعها مع اختها اشواق..
وبنت جيرانهم ورفيجتهم .. اسمااء..

شعفه.. طحت عليكم عسى بديتم تقولن وش صاربالولاده..
فاطمه.. هااه لالا ودي معأوله نخلي شعووف ..
شعفه.. على بالي ياوخيتس ايه جبت لتس عصيدتن تجيب العافيه ومعها مريقيقه تهول القلب وانا
اختش صنع ايدي وحياة عني ....؟
فاطمه.. ووووووووووووووووووووووووع صعيده مابي جتني امي الثانيه ...
غرام.. الا على طاري امي وينها ماجت ...
فاطمه.. لالالالا بتروح ترتب غرفتي نفاسي و ركان اخوي بدوامه شوي بيجون ..

وتقوم شعفه وتفتح الجدر وتجيب ملعقه وتحطه بحظن فاطمه ..؟

فاطمه.. لالالا تكفين وخريه ريحته وووع برجع ..
شعفه.. وتبقق عيونها .. اقولج اكليه ..
فاطمه.. مابي مابي ترى انادي رجلي عليج .....؟
شعفه.. كوليها كوليها اخرها احلاهاا ...؟؟؟
اشواق.. خليهاا ماتبي ...؟؟
شعفه.. من قطلك عظم انطمي
وصايف.. شعفه عن الملاغه خليهاا بنسولف
شعفه. وانتي مغير تدورين السوالف
وصايف.. وش تبيني اسوي
شعفه. نوكل فطوم.
وصايف.. اجل بروح لبوي مع السلامه
شعفه.. انثبري اقول... الا جد فطوم وش راح تسمينهم..؟
فاطمه.. مدري بس اكيد وصايف ..؟
شعفه.. سميها شعفه وسماوتها علي واللي تبي وكل يوم حليب حفاظات واربيهاا
اشواق.. يما تبينهاا تتعقد ..
شعفه.. هاا انا ما تعقدت ..؟؟
اسماء... عاد انتي شعفه ضد التعقدات ؟؟
شعفه.. وتقوم تهاوش هي واسماء ودايم هم كذا لانهم ملح الشله ..
شعفه.. عدال انتي .. يا يكزوناا ..
اسماء.. يامرت بباي زيتوونه
شعفه .. روحي انتي وشكلك تقولين زكريا زكريا .... وتقوم تقول .. بخ بخ بخ
البنات.. هههههههههههههههههههههههههههههههههههاي ..
شعفه.. روحي انتي وجابك تقول فيله محجبه ...؟
البنات.. ههههههههههههههههههههههههههههههههههههههه..؟؟؟
اسماء.. عدال انتي يام السعف والليف
وبعد الهواش اغصبوا فاطمه على العصيده

وغصبن عنها اكلت فاطمه العصيده وعجبتهاا ..؟؟؟ لان طباخ شعفه غير .....؟؟

قاموو البناات يضحكون ويسولفون مابين تطنز وكذا لين جت الساعه 7ونص مساء
ودخل عليهم اخو غرام راكان وكان ولد مملوح وحبوب ...؟؟؟

اول مادخل .. تسدحت شعفه بغت تنجن لانهاا تمووت عليه تقول امووت بالثقل اناا
ياويل قلبي ويلاه ... قاموو البناات يضحكون عليهاا ويحاولون فيهاا تثقل .. وراكان استحى
يوم شاف البنات وطلع بره ....؟؟؟

شعفه.. وتجمع صحونهااا وتاخذ الملعقه من حلج فاطمه..
فاطمه.. باكل...
شعفه.. توج ما تبينه ...حرام بنات طلعناا نقعناا راكان بره ..
البنات.. هههههههههههههههههههههههههههههههههههههههه
شعفه.. يالله وتجر كل البنات وتدز وصايف تروح عند ابوهاا
وصايف.. أي.. شفيج بروح وربي بروح انزين .....؟
شعفه.. المهم ادرسي عدل ترى بعد بكره تبدي امتحانات اخر السنه شدي حيلج..
اسماء.. ياعمي ثالثه ثنوي ولا بعد ادبي تافهه خلينا نخزن الدراسه لرابعه ثنوي..
وصايف.. وانتي الصاجه يالله بروح تلاقين ابوي ميت من الخوف علي اشوفكم على خير..
اشواق.. الا جد انتي تنامين عند ابوج والبيت لحاله ..
وصايف.. اجل اجلس بالبيت بروحي ....
اشواق.. واذا طب بالبيت حرامي وصرق بيتكم شراح يكون موقفج ..
وصايف.. ياعمي شنو بيصرق الا بيحط لنا فلوس ويترس ثلاجتنا اكل ..
البنات.. هههههههههههههههههههههههههههههههههههه
وصايف .. يالله بااي .....
الكل... بااي ...

راحت وصايف عند ابوها واول ما دخلت الجناح اللي فيه غرفة ابوها ؟؟؟...

شافت عايلة ملتمين حول امهم وعيالها وابوهم معاهم ماسكين الام وفرحانين بطلعتها من المستشفى وقفت وصايف لا اراديه وجلست تناظرهم وهي تتمنى لو كانت بينهم او عندها عايلة مثلهم راحت العايله ...ودخلت وصايف عند ابوهاا ....؟؟؟

وصايف... قوه يباا شلونك أللحين انشالله احسن ...؟
ابو وصايف.. مايرد عليهاا ويطالع بالتلفزيوون ...؟؟؟
وصايف.. يبا شفيك تراك قلقتني .....؟
ابو وصايف.. تو الناس شوفي الساعه كم ..؟
وصايف.. ماتأخرت واجد كلها ساعه ونص ...؟؟
ابو وصايف.. ساعه ونص وانا على اعصابي والوسواس يلعب بمخي خفت عليج يماا ..
وصايف.. يعني شلون خايف لا اروح واخليك لا تخاف انا لو ابيع العالم كلها فدوتها عيونك..؟
ابو وصايف .. ابتسم لها ...
وصايف.. راحت بحظن ابوها وحظنته... الله لا يحرمني شوفك يالغالي ....؟؟؟
ابو وصايف.. دمعت عينه ..

.. وجلس يفكر بقلبه ..

وصايف بعد عيني وين بتروح من بيستقبلها هل بيكرمونها عمانها هل بيصونونهاا
ولا بعذبونها بينتقمون مني ااااه لتني بس تجاهلت اخوي اللي صرقني ليش بس فكرت بلحظتها
ليش مافكرت بالمستقبل ان حاجتي عندهم بس هم اللي عادوني لاني ماني اخوهم من امهم وابوهم اخوهم بس من ابوهم ياربي ياربي تستر على وصايف ليت عندي مال كثير
كان عاشت وصايف احسن عيشه ولا تحتاج منة احد على غناتهاا اه ياربي.؟؟؟ الا صحيح
ليش ماازوج وصايف وارتاح من همها انا ماني دايم لهاا بس هي ماراح توافق بنتي واعرفها
راسها يابس وكرامتها فوق كل شي اه ياربي يارب يارب تستر على وصايف بعد عيني يارب
يارب ....؟

وصايف ..تقاطع ابوهاا .. يبا شفيك ليش هالدموع ...؟
ابو وصايف.. ولا شي ياوصايف بس افكر باللي صارلي بحياتي ...؟
وصايف.. يبا خلاص انسى الماضي خلنا عيال اليوم ..احط لك العشا يبا ...
ابو وصايف.. لا يابنتي ماني مشتهي ابي انام ....
وصايف.. اجل اخليك انا بطلع بالاستراحه ادرس واخليك نايم وان احتجت لي ناد علي
ابو وصايف .. انشالله ....وصايف بنتي ...
وصايف.. لبيه يبا ..

ابو وصايف... سكت بعدها نزلت دمعه من عينه .. يبا ذاكري عدل وخلي شهادتك
سلاحك لان عصرنا هذا الشهاده هي الاسلاح هي اللي تعز الشخص حتى اللحين
لابغو يسألون عن الانسان مايقولون من ولده بيقولون شنو شهادته جيلنا يا يبا تغير
بعد عيني ماراح ينفعك الا شهادتك ماوصيك يبا وصلاتك يبا لا تخلينها هي عماد
الدين زين يبا مابي اعيد واكرر وهذي وصيتي لج يبا ويابنتي بعلمج بحكمه حطيها حلق بذنك
لا شفتي جمل محمل قولي انج ماشفتي شي لان الناس ماترحم يبا لا تنسينها وصايف وانتي
ماشاءالله بنت ولا كل البنات حكمه وجمال ودلال ها يبا هالله هالله بالدراسه والصلاه لا تخلينها
هذي وصيتي لج يبا ولا ابي منج أي شي ...

وصايف.. وقفت مذهواه من كلام ابوهاا .. ليش وصاني أللحين لا يكون حاس بشي
ومايبي يعلمني .. واثناء تفكيرها ... قطعها ابوها وقال .. هاه وصايف ماتبين تدرسين ..

يتبع

[u]

وصايف.. انشالله يبا انا بروح اللحين ويمكن تجي غرام تجلس عندي او انا اروح
عندها عشان بندرس مع بعض ...........؟
ابو وصايف .. ميخالف يابني بس نامي يبا لا تسهرين
وصايف.. هزت راسهاا بالموافقه ..
وصايف .. الا صج يبا شصار بالتحاليل اجابيه ولا سلبيه..
بو وصايف.. باجر النتايج ادعي بس انها ايجابيه..
وصايف.. الله يكتب اللي فيه الخير ..

طلعت وصايف و راحت جلست بالاستراحه اللي برى بالجناح ..
كان فيها حرمه تصلي جت وصايف وجلست رفعت بوشيتها وقطت دسوسها لان الاستراحه
حقت حريم .... فلما خلصت الحرمه من الصلاة ألتفت ولا تشوف ما شاء الله بنت غايه في الجمال الا هي وصايف وقامت تطالع وصايف حيل .. ابتسمت لها وصايف ....
قربت الحرمه من عند وصايف ...

الحرمه .. السلام عليكم ورحمة الله وبركاته...
وصايف.. وعليكم السلام ياهلا والله ...
الحرمه .. ماشاء الله عليج جميله ...انتي من بنتا ..
وصايف.. ضحكت.. بنت ابوي ..
الحرمه.. وانعم ببوج عسى ماشر شعندج هني ...؟
وصايف.. والله مرافقه مع ابوي مريض بالخبيث ..
الحرمه.. انالله وانا أليه راجعون لاحول ولا قوة الا بالله منو ابوج شسمه ..
وصايف.. ليش السؤال..
الحرمه .. انا دكتوره هني الدكتوره نورا ..
وصايف.. ياهلا والله ..
الدكتوره نوره.. منو يتابع حالة ابوج ...؟
وصايف.. الدكتور محمد ..
الدكتوره نوره .. والنعم والله مايشوف شر الوالد انشالله يقوم بالسلامه ياقلبي عن اذنج
اخليج تذاكرين شكلي ازعتج ؟؟؟
وصايف.. لا والله الا ونستيني ياقلبي ............؟؟
الدكتوره.. يالله مع السلامه ..
وصايف.. مع السلامه ...؟
واول ماطلعت الدكتوره نوره دخلت غرام وصادفت الدكتوره نوره .....؟؟
الدكتوره نوره ...شوي شوي غرام شعندج مستعجله وعلام نقابج مقلوب وبوشيتج معفسه
شفيج ....
غرام .. يؤؤؤ مالي خلق لج نوير خليني بروحي ودي اشنق بنات فاطمه ..
الدكتوره نوره ... هههههههههههههههههههههه اجل اروح اشوفهاا ...؟
وصايف.. تعرفين الدكتوره نوره ....
الدكتوره نوره... لا يكون انتي وصايف رفيجت غرام اللي ابوها هني ..
غرام .. واوله شتقول لج البنت ...
وصايف.. بسم الله وش دراج
غرام.. من اليوم واقفه عند الباب اجمع اكلي اللي طاح ..
دكتوره نوره.... اخليكم .. وراحت عنهم الدكتوره نوره
وصايف.. شنو تصير لج دكتوره نوره ...؟
غرام .. بنت خالي ...
وصايف.. وليش اسلوبج معاها جذي ..
غرام ... بدينا بالهم تراني جوعانه حدي لا تحديني اطلع كل حرتي فيج ...؟
وصايف.. لا لا يبا خلينا حلوين احسن يالله شنو معاج اكل جوعانه ..
غرام .. اسكتي صرقت عشا المستشفى ...
وصايف.. الله يلوع جبدج مالقيتي الا اكل المستشفى ..
غرام .. شفيه يهبل ولا ابشرج مسوين لازانيا تطيير العقل من غير ملح حطيت فيها ملح
عجيبه صارت ...
وصايف.. اجل اكل بطاطي احسن لي ..
غرام.. معاج بطاط الله ..
وصايف.. لا معاي بطاط برنقلز بالكاتشب ..
غرام.. وااااااااااااااااااااااااااااااااااااااااااااااااا او
وصايف.. ماراح اعطيج ..
غرام .. بخيله عاد خبري ابوج كريم طالعه على منو بعرف ....؟
وصايف .. يوم سمعت طاري ابوها كشرت وتذكرت كلام ابوها خافت كثير ..؟؟
غرام.. علام وجهج تقلبة الوانه ..
وصايف.. ابوي ..
غرام .. شفيه عمي فيه شي ..
وصايف ..وقالت لغرام كل شي وقامت تبكي ....؟
غرام .. يابنت كل ابو يوصي بناته مافيها شي وخصوصا حنا قدام لامتحانات ..
وصايف.. لا لا انا اعرف ابوي هو حاس بشي ورافض لا يقول لي ..
غرام .. يابنت هذا وسواس الشيطان درسي درسي علبالي عندج سالفه تخرع
وصايف.. ومسحت دموعها .. وقالت بقلبهاا .. يمكن كلام غرام صح وانا جالسه اوسوس

قاموا يدرسون غرام وصايف اختبارهم والدراسه مابين ضحك واكل ومافي دراسه
وصايف قلبها مشغول حيل على ابوها وكل شوي تسرح تفكر فيه بس تجي غرام وتروعها
وترجع تجلس مع غرام يوم اذن الفجر كل وحده راحت عند مريضهاا غرام راحت قسم الولاده
وصايف راحت عند ابوها ونامت بس وين يجيها النوم ....؟؟

ياترى هل تفكير وصايف بمحله ولا مثل ماقالت غرام وساوس شيطان ...؟
وهل راح تكون النتايج غدا سلبيه ولا ايجابيه لصالح بو وصايف ...؟

...............................................

انتظرووني في الجزء الثااني

الجزء الثاني ...

اشعة الشمس على عيونها وتحاول تغطيها بأدينها الصغيره ولاكن ماحجبت شي هالادين
الاصغيره لفت على جهتها اليسار تبي تكحل عينها بشوفت ابوها وكانت مبتسمه ولاكن
سراع مازالت الابتسامه من على وجههاا وقامت من على السرير مفزوعه تدور بالغرفه
وكانت بتطلع من الغرفه لاكن تذكرت ماعليها شي راحت تدور عباتها بسرعه ولبستها وهي
طالعه ولا تسمع صوت جاي من وراها .... على وين يبا

ألتفت ورى بسرعة البرق وشافت رجال كبير بالسن باين عليه ارهاق المرض بلحيته البيضه
اللي منوره وجهه زياده... راحت تركض وصايف وارتمت بحظن ابوها ..

وصايف.. وينك فيه يبا قلقت عليك ..
بو وصايف.. ليش يبا كاني قدامك مافيني الا العاافيه ا
وصايف.. انت متأكد يباا ..
بو وصايف.. شرايج فيني معرس شحلاتي ..
ضحكت وصايف على ابوها .. ليش يا ماقعدتني ..
بو وصايف.. شفتج نايمه وتعبانه قلت اخليج تنامين شوي ...؟
وصايف.. ببدل يبا شوي ونروح للدكتور محمد ...؟
بو وصايف.. انشالله ...؟

بدلت ملابسها وصايف وريقت ابوها ولما خلصوا طلبت الكرسي المتحرك لبوها ..
بو وصايف.. لا مابيه ابي امشي..
وصايف.. لا يبا انت تعبان خلك بالكرسي ..
بو وصايف .. لا مابيه ..
وصايف.. لا تبيه ..
بو وصايف.. عناد صار..
وصايف.. ايه ..
بو وصايف.. ماني رايح.
وصايف.. ولا انا ..
بو وصايف.. امرنا لله في احد يقدر يعاند وصايف يالله مشينا ..
وصايف.. وضحكت .. مشيناا ..

راحت وصايف وابوها عند مكتب الدكتور محمد لانه طلب وصايف تجي عنده ...وهم على احر من الجمر بيعرفون نتايج التحاليل ..؟

على الباب وصايف تطقه ...
الدكتور محمد.. تفضل ..
دخلت وصايف ومعاها ابوها وحطت كرسي ابوها عند مكتب الدكتور وجلست قباله ..
د. محمد .. افا ليش قايم من سريرك يابو وصايف ..
بو وصايف.. والله مستعجل على التحاليل ولا قدرت اقعد استنى ...؟
د. محمد .. انا مو موصيج لا تجبينه معاج تعرفين ابوج يرهق نفسه حيل ..
وصايف.. شسوي فيه مو راضي يقعد ...؟
بو وصايف.. ها بشر دكتور شصار على التحاليل ...؟
د. محمد ..والله اللحين تجيب السستر الاوراق ..
يتبع

وماهي الا ثواني والا والسستر مديحه معاها التحاليل ...
السستر مديحه.. اسلام عليكو ..
الكل.. وعليكم السلام ..
د.محمد .. وين التحاليل ..
الستتر.. مديحه .. تفضل ... وسلمت له الاوراق ..
السسترمديحه.. ازيك يا واصيف وازيك يابو وصايف ..
وصايف.. والله الحمد لله بخير ....؟؟؟

ألتفت وصايف على د. محمد وطالعته وشافته مكشر وهني قلبها نغزهاا حست فيه شي ..؟؟
وصايف.. خير يا دكتور ..؟
د.محمد .. والله مدري شقول التحاليل كلها سليمه بس ؟؟؟
وصايف.. شنو بس شنو يادكتور ..
د.محمد .. ؟؟؟؟؟؟؟؟
بو وصايف.. دكتور تكلم شنو فيه ...
د. محمد . يا ناصر انت مؤمن بالله
ناصر.. ونعم بالله
د.محمد .. التحاليل تبين لا زم نسوي عمليه ولا الورم بيكبر ويتأكل جسمك وتموت
وصايف... انزين كم نسبة نجاح العمليه هل تفضل نسويها بالخارج ...
د.محمد.. هنا وبالخارج نفس الشي وهي عمليه صعبه ماني كاذب عليكم واقول سهله
ونسبة نجاحها .. 75 %

وصايف.. وقامت تطالع ابوهاا وابوها يطالعهاا وهم متخوفين من العمليه ..
د.محمد.. أي تأخير بأجراءات العمليه مو بصالحنا خلونا نستعجل يا وصايف وياناصر

وصايف.. دكتور خلنا نفكر شوي ..؟
د.محمد.. أي نتايج او تأثيرات على ابوك بتتحملين المسؤوليه ...؟
وصايف.. بس 75% شويه يادكتور ...؟؟؟
ناصر.. خلنا بروحنا يادكتور ...
د.محمد.. اجل اخليكم تفكرون قدامكم ساعه وابي الجواب بعده مانبي نظر بصحة ابوج...؟
ناصر.. انشالله...؟

طلع الدكتور وخلى وصايف وابوها يفكرون .........؟

وصايف .. يبا ؟؟
بو وصايف.. لا تكملين مراح اجري العمليه ...؟
وصايف. بس يبا ؟؟
بو وصايف.. اللي كاتبه ربي بيصير وانا حالتي ميؤس منها الورم منتشر بكل مكان
حتى لو اجريت العمليه ماراح تنجح يابنتي لا نضحك على نفسنا خلاص العمليه ماراح اسويها
وصايف.. بس يمكن يبا تنفع انا بعد عينك وين اروح يبا عشان خاطري سو العمليه ماراح نخسر شي يبا مابيك تضيع من بين اديني .
بو وصايف.. لج الله يابنتي ماني ارحم من رحمت ربي واللي كاتبه ربي بيصير انشالله
وصايف... بس يبا ربي ماقال وارمو نفسكم بالتهلكه خلنا نحاول ...
بو وصايف... لا لا خلاص انا انطر من ربي المغفره يا يبا ادعي لي بس بالرحمه ؟

بكت وصايف بحراره لان عرفت خلاص مافي امل لبوها بأنه يعيش ؟؟؟؟؟؟؟؟؟؟؟؟
دخل عليهم بعد فتره سكوت بين وصايف وابوها شاف على وجوهم علامات اليأس الضيق
والهم ............؟؟؟؟؟؟؟؟؟؟؟؟

د. محمد .. هااه شنو صار بينكم ..
الاثنين .. ساكتين ؟؟؟
د.محمد .. منو اللحين يبي يقولي شصار ..
وصايف تطالع ابوها وابوها يطالعها .. كل واحد يبي الثاني يقول ..

بو وصايف وصايف مع بعض .. انا اقول يادكتور ..
د.محمد .. ماشاءالله اوله انطر احد يقول لي واللحين اثنينكم ...؟؟
بووصايف.. ماكو امل يادكتور في نجاح العمليه ..
د.محمد .. من قال 75 هذي شنو تسوي ..؟
بو وصايف.. يادكتور خلاص انا ميت ميت السرطان منتشر جسمي كله انا اقول
اقعد على الادويه يمكن احسن ...
د.محمد .. والله يا ناصر الادويه والعمليه نفس الشي بس العمليه احتمال تكون نتايجه
احسن ....؟
بو وصايف.. خلاص يادكتور انا مليت والموت حق وكل نفس تذوقه وانا جاء يومي اللي انطره
د.محمد ...مافكرت بنتك وصايف بتجلس لحالهااا مافكرت الا بنفسك العمليه لازم تتم ..
ماتكلمين ياوصايف...........
وصايف.. شقول يادكتور تكفى اقنعه ....؟؟؟
بو وصايف... والعمليه يمكن اموت فيها خلني على الاقل اعيش يوميني مع بنتي بسلام
د. محمد .. ويمكن تنجح وتعيش سنين مع بنتك....؟
بو وصايف... الاعمار بيد الله واللي كاتبه ربي بيصير ...؟
د.محمد .. انا بخليك تفكر والعمليه انشالله بتوافق عليهااا .....
بووصايف..الله يكتب اللي فيه الخيره ....

يتبع

راحت وصايف مع ابوها لغرفتهم وجلست على كرسي.. وابوها متمدد على السرير ...؟؟
وصايف.. جالسه تطالع ابوها بنظرت الم وحسره شلون تعبان وحاط راسه على الطوفه
ويتنهد بقوه ياربي شسوي اوقع على الاوراق من غير يدري ابوي واجبره بس لاصقطت
العمليه راح اانب نفسي طول عمري ولا اخليه بقراره ياربي شسوي دلني على الطريق اصحيح..

سمعوا صوت طق على الباب فتحته وصايف ... ولا تلاقي غرام تودعها انها بيطلعون من
المستشفى سلمت عليها وصايف وراحت غرام بحال سبيلهاا ...؟؟

لحظات ولا تدخل عليهم .الفراشه معاها الغداء ..........؟
بو وصايف ... مايبي شلي اكل ...
وصايف... خليه شوي ياكل ..

خلت الفراشه الاكل وراحت ..............؟
بو وصايف... ليش سالفة عناد صارت.........
وصايف.. العمليه وسكتنا حتى الاكل لا عاد خلاص كافي بعد خوف والم وحسره كل شي ماتبيه
انت قاعد تذبح نفسك يبا ليش كذا الاعمار بيد الله ونعم بالله بس ربي ماقال وارموا بانفسكم بالتهلكه .خلاص كافي كافي يباا.

بوصايف ... انصدم من كلام بنته وصايف وحس فيها قال.. انا ماحسيت الا بنفسي ولا اهتميت
بي وصايف او ردت فعلها لهدرجه انا قاسي قاعد انتقم من امها معقوله لالا هذي وصايف بنتي انا محد له شغل فيها تعبتها معاي حيل بالاخير ارفض طلبها لي هي عمرها ماطلبتني شي ورديتها على اخر عمري اكدر دنيتي كلهاا ...؟

بو وصايف .. لما شاف انهيار بنته قدامه .. وصايف خلاص بنتي لا تبكين بسوي العمليه عشانك
وصايف.. فرحت وقامت تحب راس ابوها وراحت للدكتور تعلمه بموافة ابوها

عرف الدكتور فراح هو وصايف يوقعون الاوراق لستكمال اجراءات العمليه .....؟؟
انتهوا من الاوراق وحدوا موعد العمليه بعد الامتحانات بيوم راحت وصايف تبشر ابوها
باللي صار واول مادخلت لقت الغرفه سكون وابوها نايم ......؟؟؟

راحت حبت راس ابوها وفتحت كتابها تذاكر لانها ماذاكرت شي والساعه اللحين 4 العصر..
جلست تذاكر وصايف واندمجت بالمذاكره لين جدت الساعه 6 ونص يوم خلصت المذاكره
لفت على بوها لقته على وضعيته اللي اوله قلقت عليه حيل وقام يوسوس لها الشيطان ...؟
راحت بتشوف ابوها يتنسم ولا لا .. إلا يفتح عيونه ابتسم لوصايف وهي ابتسمت له ...؟

بووصايف ....هااه خلصتي مذاكره يماا ..
وصايف.. ايه خلصت وقلت اريح شوي ....؟؟
بو وصايف.. عساج على القوه نامي يماا وانا اقومج لا جاء العشاا انزين..؟؟
وصايف.. زين يباا ..؟

نامت وصايف وريحت لانها حيل تعبانه وباجر اول امحتان لها ....؟
ابوها راح عند صديقه بومشعل كان بالغرفه اللي جنبهم يسولف معااه شوي وعقب يرجع لبنته ....؟؟؟

بعد ماخلص بو وصايف من بومشعل كانت الساعه 10 قال اقومها احسن ولا اخلها تكمل نومها
فقرر انها تمكل نومهاا .... ونام هو بعد ...............؟

صحت انتي ياوصايف على الساعه 3 الفجر واستغربت ليش ابوها ما صحاهاا وراحت غسلت
والبست ملابسها وراحت تقعد بالاستراحه تراجع الامتحان واول ماخلصت مراجعه راحت تتمشى باجناح كان تشوف د. نوره جالسه وسرحانه قالت ليش ماروح اسولف معهااا ...؟
راحت عندها وصايف اول مادخلت مكتب د. نورا قامت نوره مستانسه ...؟؟؟

د.نوره.. هلا وصايف شلونج ...؟
وصايف.. بخير انتي شلونج
د.نوره.. مو زينه ..
وصايف.. افا ليش ..
د.نوره .. شقولك بس انخطبت ...
وصايف..ماشاءالله وهذا شي يضيق الخلق ومنو سعيد الحظ .....؟
د.نوره .. راكان اذا تعرفينه اخو نوره ....؟
انصفق وجه وصايف .. راكان ؟؟؟
د.نوره.. استغربت من ردت فعل وصايف .. ليش فيه شي ..
وصايف.. تعدلت ... لالالا بس مو اصغر منج ..
د.نوره .. بيني وبينه سنه بس ....
وصايف.. عادي تقبلين بالهشي ...
د.نوره.. مافيها شي بس محتاره ......؟؟
وصايف.. ليش مافيه عيب راكان ..؟؟
د.نوره.. ادري بس انا دكتوره وهو ضابط بالجيش احس ان مو راكبين على بعض ابي احد بمستواي ...؟؟
وصايف .. بقلبهاا ... وي طلعت مغروره بنت الحلال الله يعين راكان وهذي بديتها تقارن نفسها فيه.....
وصايف.. والله التوفيق من عند ربي ومو الوضايف تستاهل اني اضحي بشاب رجال عشان شهادته اقل مني والرجال مايعيبه شي الحرمه اللي تنعاب ....؟

تضايقت نوره من كلام وصايف وتبي تفتك من وصايف بأقرب شي ....
د.نوره.. انا طالعه عن اذنج ...؟؟
وصايف..لا ليش ولو انا اللي اطلع خليج بمكانك ...........؟؟؟؟

راحت وصايف وجلست تفكر بنوره وراكان مايصلحون لبعض وشلون بتكون ردة فعل شعفه بالموضوع ..................؟؟؟

ياترى شنو راح تكون ردة فعل شعفه بالموضوع ...؟؟؟
وهل لو تزوج ركان حبيب شعفه من نوره بيكون سعييد ؟؟؟
وشراح يصير من احداث قادمه تخص بو وصايف

...........................................

انتظروني في الاجزااء البااقيه

الجزء الثالث ..

الساعه 45 و 6 .. اول يوم بالاختبارات ...؟؟؟
واقفه وصايف برى المستشفى تنطر التكسي اللي لا لحين ماجاء وهي واقفه وتتحسب عليه ؟؟
والشمس تحرقها ولا توه يجي ..وصايف منبطه جبدها منه وركبت التكسي وقامت تهاوشه
ليش تأخرت علي وهو يتعذر منهاا .....؟؟

بعد دقايق معدوده وصلت وصايف عند باب المدرسه وقالت لتكسي يجيها الساعه 10
عشان ترجع المستشفى ....؟

راحت وصايف واول مادخلت عند الباب ولا تشوف رفيجاتها متجمعات عند باب ينطورونهاا..
شعفه .. وتصيح .. وصلت ليدي ديانا ..
والبنات .. كلوووولووووش
وصايف.. ولا عليها منهم ..؟ هاي بنات
شعفه.. هاي .. قولي سلامن عليتسن ماتعرفين تحجين عربي ياربي دخيلك..
وصايف.. يالدجه ثقافه وي انتي مال افلام مدبلجه ...
شعفه.. مخليتن لغة الكفار لتس ولشكالتس ......؟
وصايف.. يؤؤ هذي ماتخلي احد بحاله ...
اسماء.. اسكتي حتى اليوم الصبح قبل مانركب الباص متهاوشتن مع الفراش تقول
قم نظف قدام بيتناا ..
غرام .. بعرف شلون تبينه ينضف قدام بيتكم وانتي قبل امس طاقته ..
شعفه .. انا يوم طقيته كان يكلم خدامتنا ملعونت الخًير ويسولف معهاا
وصايف.. يماا حشى صبي ..؟
شعفه.. صبين يركب راسج المروح ...؟
وصايف.. يهبي علامج علي شسويت لج ..
شعفه.. ولا كلمتن ترجع هش جواعه ونبي نتفطر جايبتن لكم ريوقن عالمي .....؟
الكل.. شنو ...
شعفه .. خبز وعفوس انا مسويته والله انه يطير العقل سوات ايدي ..
الكل.. الله من زمان عن خبزك ..
شعفه.. اجل بسرعه قبل لا يبرد ...........؟
راحوا البنات واكلو الخبز وجلسوا يسولفون ..........؟؟

وصايف ... الا صج غرام خطبتوا لركان احد ..
كان تغص شعغه .. محدن جانا امس ..
الكل .. هههههههههههههههههههههههههههههههههههه
غرام .. لالا بس امي فكرت بنوره اللي شفتيهاا ...؟
وصايف.. احسها ماتصلح له ..
شعفه .. انا اشهد جربيني مش حتندمي ...؟
غرام .. ليش تراها حبوبه بس فيها بعض التكبر ...؟
اسماء.. وش راي راكان ..
غرام .. مدري بس احسه عادي يبي رضى امي ..؟؟
وصايف .. دوروا وحده غيرهاا باجر تكبر على راكان ومايصير زين لهم ..
غرام .. شدعوه امي ترد علي ان كان علي انا مابيها لراكان بس شسوي ....؟؟

شعفه خلت اللقمه من ايدهاا .. كانت تظن البنات يضحكون بس طلعت السالفه صج
دق جرس الامتحان وراحوا كل البنات يمتحنون ودخلوا القاعه وكلن جلس بمكانه ..
كان كرسي وصايف جنب كرسي شعفه اللي تكدرت ولا قدرت تحل شي بس كانت تنغزها
وصايف وتقولها حلي عشان خاطري وحلت شعفه بس مو ذاك الحل اللي تبيه انتهى زمن
الاختبار وطلعوا البنات وكلن يسأل الثاني شسوى بالامتحان طلعت شعفه وصايف ماعدا
اسماء وغرام اللي تموو يحلون بعد ......؟؟

وصايف لشعفه .. يابنت تعوذي من بليس شفيج ...؟
شعفه.. انا علبالي تضحكون طلعت السالفه جد انا احبه يا وصايف احبه تعرفين يعني شنو احبه .
وصايف. يابنت هذي سوالف مراهقاات احب وما احب يما حبينا يا شعفه لعلها خيره لج انج
ماتاخذينه ويجيج احسن منه بألف مره ..
شعفه .. نزلت راسها وقالت .. يمكن المهم خلينا نروح للبنات تلاقينهم طلعوا ..
وصايف.. قلبي لا تبينين لغرام مو بيدها هالامر وانتوا بعد قرايب بعدين
ينتشر بين جماعتكم هالخبر ومو حلوه بحقك صح
شعفه .. صح اوكي لا تخافين ...؟

ورواحوا البنات يسولفون ويلعبون وركض كنه اليوم اخر امتحان بس هالشله عمر ماكان
الدراسه اكبر همهااا ....؟

وصايف ... غراموه كم الساعه ....؟
غرام.. بعينك غرامووه الساعه 11 الا ربع ..
وصايف.. امبي التكسي متنقع ياويلي ....؟؟

وراحوا البنات يلبسون بيطلعوون ويوم وصلوا عند الباب الا يشوفون راكان واقف معصب
حده ............؟

غرام .. ياويل حالي ويلاه رحت وطي ...؟
وصايف.. السايق مب هنااا ؟؟؟؟؟؟؟؟
شعفه ... انا اللي وش اسوي الباص راح كل من روسكم المعفه اللعين ابو الوجه
اسماء.. ياويلي ويلاه شراح نسوي هذي مو اول مره نتأخر على الباص ابوي بيشنقني
غرام.. امشوا معي ركانوه هني ....؟
وصايف.. لالا استحي من صدقك
غرام.. ماعلي منكم بروح اكلمه ..

راحت غرام عند راكان وهو معصب بس كاتم غيضه والبنات واقفات بعيد شوي ....؟
شوي ورجعت غرام تقول .. ياله مشيناا ..

راحو البنات ركبوا مع راكان اللي كانت سيارته م**له راح ينفض القراطيس والغبره
ويشيل كتبه اللي ورى .. سيارة عزوبي شتهقين تكون ....؟

ركبوا البنات ... طبعاا غرام قدام وركبت شعفه ورى راكان وجنبها اسماء ورى غرام وصايف..

راكان.. السلام عليكم..
البنات.. بصوت خفيف.. وعليكم ..؟
راكان.. هااه شلون ابوج وصايف ..
وصايف .. بحيا .. بخير ..
راكان. مايشوف شر ...
وصايف.. مايجيك ..

عدل الجامه راكان وحطها على شعفه اللي وراه كانت شعفه تطالعه وتشوف شنو يسوي ..
طالع من الجامه شاف شعفه ابتسم وهي نزلت راسهاا ..

راكان.. شلونج شعفه ..
شعفه ..’؟؟؟؟؟؟؟؟؟؟؟
راكان.. عسى ماشر.
غرام.. الشر مايجيك بس البنات مستحيات ..
راكان.. بس شعفه غير البنات ... يحاول يستفزها عشان يسمع صوتها الرنان ...؟؟؟
غرام.. شلون يعني ..
راكان .. مدري هي تقولك ..
غرام .. شلون شعووف ..
شعفه.. بصوت واطي .. مدري عن اخوج ..؟ شعري طويل نفس البنات والبس لبس بنات ..؟
راكان.. ههههههههههههههههههههه اللحين شباب يطولون شعرورهم
غرام.. نفسك يعني ..
راكان.. انتي احد كلمك انا اكلم شعفه ..
غرام.. وانت شدراك ان شعفه وراك ليش مو اللي جنبها ولا اللي وراهم ..؟؟
راكان.. قلبي قالي .........؟؟
غرام .. مالت عليك انت وقلبك .....

شعفه فخاطرها .. شيقصد بكلامه وليش عدل الجامه هل هو يبادلني نفس الشعور ولا شنو
انزين ليش بيخطب نوره مع انها مغروره عشان يستفزني ولا بس اشاعه ما يندرى شتفكر
فيه يا راكان ...؟

غرام... يااهوو انتي شفيج وصلتوا بيتكم علامج سرحانه اللي ماخذ عقلج ..
شعفه .. وهي نازله .. فدوه له ..
ضحكوا البنات..
وابتسم راكان يقول يمكن تقصدني مدري ليش لا شفت هالبنت افرح واحس ينقلب كياني
ومغير افكر فيها صج انا احبها ولا بس استانس على سوالفها وخبالهاا مايندرى شلي
فيني بس على العمووم احبها هااه قلتهاا وش صار انطبق الارض على السماا ليش
انا خايف لا اقولهاا خايف لا باجر تعلق نفسك بوهام وياخذها غيرك. ويمكن صج تحبني ليش
ما اسأل غرام وافتك ....؟

غرام.. انتوا شفيكم البنات دخلوا صار لهم ساعه وانت لا لحين واقف ..
ركان.. هااه مدري سرحت ..
غرام.. امش امش شوي تنسى نفسك

وصلوا راكان وغرام وصايف للمشتشفى وراحت لعند ابوهاا ..

وصايف .. هاي بابا ..
بو وصايف.. ليش تأخرتي ومن جيتي معاه ..
وصايف.. شوي شوي بقولك من طقق طق لي السلام عليكم ولا يهمك
جلست وصايف تسوالف لبوها وبعدها راحت ريحت شوي عشان تدرس ..؟؟

مرت فترة الاختبارات على خير بس في قلبين مشغولين وماهم يم الامتحانات ..
وصايف .. وخايفه على ابوها وخصوصا ان موعد العمليه قرب ؟؟
وشعفه .. خايفه لا يتزوج راكان ويتركها وهي تمووت فيه ..؟ بس كانت نظرات
راكان لشعفه كل يوم تزداد تعجب كل ما شاف شعفه ابتسم وهي تنزل راسها من الحيى
وتقول بقلبهاا .. يمكن يلعب علي ويبي يختبرني ....؟

اخر يوم بالامتحانات ...
... وصايف ... جالسه مع ابوهاا وتسوالف وتهون عليه ....؟
وصايف.. يبا صليت صلاة الاستخاره ...؟
بو وصايف.. استخرت يبا وباجر انشالله بيكون العمليه بس انتي ادعي لي بالرحمه
وصايف.. انشالله يبا متى موعد العمليه باجر
بووصايف.. انشالله الساعه 3 العصر ...؟
وصايف.. انا نتايجي الساعه 9 الصبح عشان كذا بروح اشوفها بعده اجيك
انزين يبا ...
بو وصايف.. اللي تبينه ..

جلست وصايف تطالع ابوها وابوها يطالعها جنه كل واحد منهم يطالع الثاني لاخر مره..؟
وصايف.. تحس انها بتفق ابوهاا ..
بو وصايف .. مطمئن وهادي ويطالع وصايف ويبتسم .. وصايف لقيت رقم
عمانك وبدق عليهم جيبي التلفون يماا ..
وصايف.. شله يبا مانبي منهم شي ...؟
بو وصايف.. لازم يبا ودي اشوفهم قبل لا ادخل العمليه ..
وصايف.. انشالله يبا .... وتركض وصايف تجيب التلفون .. وتتصل على عمانها ..
بس محد يرد وحاولت حاولت محد يرد .....؟
وصايف.. يبا ما يشلونه من معطيك الرقم ..؟
بو وصايف.. خلاص يماا سكريه لا طلعت باجر من العمليه اتصلي عليهم ..
وصايف ...انشالله يباا

راحت انسدحت وصايف عند ابوها وراحت في نوم عميق من تعب الامتحانات والهم
كنها لاول مره تناام .. ابوها ابتسم ولحفهاا .. وقال .. الله يعينج يابنتي ....؟؟
انتهى يومهم على خير من غير مشاكل ولا شي ونامت وصايف مرتاحه حتى
بو وصايف ....؟؟؟

ياترى هل راح تنجح عملية بو وصايف ولا تصير احداث جديده تمنع حدوث العمليه ؟؟
وهل ركان راح يتزوج نوره ولا يحدث تغير في الاحداث كلهاا ...؟
وهل وصايف راح تكلم عمانها وتشوفهم لاول مره ؟؟؟..

.................................................. ......................

انتظرووني في الجزء القاادم

الجزء الرابع
بو وصايف... وصايف وصايف قومي يالله الساعه 8 ونص ...؟
وصايف.. وهي تتمغط .. اه يبا صباح الخير ...؟
بووصايف.. صباح النور يالله بسك نووم ..
وصايف.. يالله بلبس وبروح المدرسه اشوف النتيجه واجيك زي البرق ..
بو وصايف .. روحي وصايف ولا تنسين تدقين على عمانك ..
كشرة وصايف بوجهها.. انشالله .

راحت وصايف تشوف نتيجتها بالامتحانات ...
واول ماوصلت للمدرسه .. ألتقت بصديقه لها من زمان اسمها غاده وكانت هالبنت انسانه مغروره .............؟؟؟

غاده .. هااي وصايف وينج من زمان ماجيتي دقيتي باب بيتنا ...؟
وصايف.. اسكتت وراحت في طريقها لان تدري ان هالبنت بتقط عليها كلمه تجرحها
ومراح تقدر تستحملها اكثر ....؟

غاده .. ههههههه انزين مري على البيت عندي ملابس قديمه بعطيها لج ...
وصايف .. كثر الله خيرك ماتقصرين
غاده.. انقهرت لان وصايف ماردت عليها ....؟؟

وصايف كملت طريقها وهي حدها منقهره من غاده كل ماشافت وصايف قطة عليها كلمه
تجرحها يابوبوها ولا بحالتها الماديه ولا بمهاا ....؟؟؟

شعفه.. وصايف شفيج سرحانه ..
وصايف.. لا غاده هذي الغثيثه ...؟
اسماء.. وغاده هذي ماتابت من طقتها الأولا تبي بعد ثانيه ..؟
غرام .. يالله بنات شمرن عن ذراعيكم ولنذهب انرد ثار وصاصوو ..؟
وصايف.. خليها تولي هااه بنات شفتوا نتيجتكم ...؟
شعفه.. انا نجحت وانتي بعد وغراموه عليها ماده نفس كل سنه واسماء ناجحه على الحفه ..؟
سكتت وصايف ... وسرحت ؟؟؟
غرام.. وصايف حالج مب عاجبني شفيج قلبي تحجي ....؟؟
وصايف... ولا شي .... وبدت عينها تدمع ؟؟؟
شعفه... وصايف شفيج تكلمي..
وصايف.. ابوي .... وتطيح بحظن غرام ؟؟
غرام.. شفيه عمي ....؟؟
وصايف.. مدري حاسه اني بشوفه لاخر مره حالته منتكسه من اسبوع ومدري شفيه..؟
شعفه.. تعوذي من ابليس هذا شيطان ابوكي مافيه الا العافيه ..؟
وصايف .. يمكن... المهم انا بترخص اللحين ابوي بعد ساعتين بيسوي العمليه ..؟
غرام.. انا بروح معااج ..
وصايف.. لالا خليكي عادي اروح بروحي ...؟
شعفه.. وانا بعد بروح وحتى اسماء كلنا بروح معاكي ...؟
وصايف. انزين بسرعه قبل لا يروح التكسي ..

وراحوا كل البنات مع وصايف للمستشفى واول مادخلو الجناح اللي فيه غرفة ابوهاا شافت ربكه
وحركه مو طبيعيه السسترات يركضون والدكاتره والعالم كلها معتفسه ....؟؟؟

راحت وصايف تركض بتشوف شنو السالفه ولا تشوف كل الدكاتره بغرفة ابوهاا راحت تركض
نحو غرفة ابوهاا ولا يطردونها الممرضات وهي تحاول تدخل وكانت تصرخ بصوت عالي هز
المستشفى كلها دزت الممرضه وراحت تركض نحو ابوها وهي تمسكه من ادينه ...

وصايف.. تكفى يبا لا تتركني يبااااا .... وقامت تحظن ابوها وتبكي حسره والم ...؟؟

الدكاتره كلهم دمعت عينهم من منظر وصايف بس رفيجاتها حاولوا وطلعوها من الغرفه
وبعد حوالي ساعتين من محاولة الانقاض .....؟؟؟
طلع د.محمد .. من غرفة العمليات ... اتجهة له وصايف وهي شوي وتموت من الخووف ..
وصايف.. بشر يادكتور ...
د.محمد .. وعيونه دمعت .. البقى براسج ....
وصايف.. لالالالالالالالا .. وطاحت مغمى عليهاا ...؟

راحوا رفيجاتها يركضون صوبهاا ويحاولون يقومونهاا.. وصايف كانت منهاره حدها وكل امل بقى بدنياها راح بعد سماعهاا هالخبر ... شالها الدكتور محمد وحطها بغرفة الملاحظه بعد
نص ساعه من سماع وصايف للخبر قامت وهي كانت تبكي بحرقه ورفيجاتها يحاولون يهدونهاا
شلون تهدى وهي فقدت اغلى انسان بالكون اللي ضمها واللي رباهاا حتى امها تخلت عنهاا
شلون تهدى وهي خلاص تعتبر ضايعه بهدنيهاا بقت وحيده من غير أي احد يحميها لا اخو
ولا سند ولا شي ........؟؟؟؟

حاولو رفيجاتها انها تسكت لين سكتت وبعدها دخل عليهم راكان اخو غرام بعد ما سوى اجراءات الدفن .............؟؟
ركان.. عظم الله اجرك وصايف ..
وصايف... وعينها بدت تدمع .. اجرنا واجرك ..
ركان .. على العموم انا خلصت اجراءات الدفن وانشالله بكره الدفن ..
وصايف.. ردت تبكي من جديد وبدون توقف ...؟؟؟

طلع راكان عقب ماشاف منظر وصايف اللي قطع قلبه .................؟؟؟

طلعت وصايف من المستشفى لانها خلاص مالها مكان فيهاا وخذها الدكتور محمد
لبيته وبلغ زوجته انها ترتب لوصايف غرفه .....؟؟؟

في بيت دكتور محمد

د. محمد .. يالله حياج وصايف البيت بيتك .....؟؟
وصايف.. الله يحيج ..؟

دخلت وصايف هي والدكتور محمد لبيته وكان بستقبالهم بنته هدى الكبيره ...
د. محمد .. هلا هدى هذي وصايف اختكم الرابعه ....؟؟
هدى ... الله يحيهاا تفضلي وصايف البيت بيتك ...؟
وتدخل وراهم شهد ودلال .. وكانوا حيل مستانسات بوجود وصايف بينهم ...؟؟
جلسوا معاها يسولفون ...؟؟
د.محمد .. وين امكم يابنات ..
البنات .. تقلبت وجيههم وكل وحده قامت تطالع الثانيه ..........؟؟
د.محمد ..امكم فيها شي ...؟؟
البنات.. لالا مافيهاا بس ..؟

ولا يسمعون صوت جاي من الدور الثاني ... محـــــــــــــــمد تعال ابيك ..؟؟
راح دكتور محمد لزوجته .....؟؟
موضي .. محمد جت المنحوسه مالتك ..
محمد .. يابنت اسكتي فضحتينا ..
موضي.. شوف محمد يا انا ولا هي بالبيت مابي بعد نحس يجي بيتي بليز محمد ..
محمد .. قصري صوتك يابنت لا تسمع البنت يتيمه ومالها احد هنا وين اوديها
وابوها اصلن موصيني عليها هذي امانه برقبتي ....؟
موضي .. دبر روحك بعطيك مهله لمدة ثلاث ايام ان ماطلعت من بيتي هالنحس
دور لك حرمه ثانيه ....؟؟

كانت وصايف تسمع كل كلمة قالتهااموضي زوجة محمد وكانت كل كلمة مثل الخنجر
تطعن بقلبهاا ..
اما بنات د. محمد يحاولون يغطون على صوت اههم بس ماقدروا وفضلوا انهم يسكتون ..

هدى .. يؤؤ يقطعني ماوديتك لدارك ترتاحين ...؟
وصايف.. وهي حدها مستحيه لانها تحس مثقله على البيت ... لا عادي مرتاحه هني

ولا تدخل عليهم موضي .. انتي يا هدى اخذي **التك وروحي فوق بيجوني ضيوف ..؟
هدى.. يما عدلي اسلوبج شنو **التك ..؟
موضي.. وتراديديني بعد يالله ولا نفر اشوفه هني .. وانتي يالله بعد انقلعي معاهم
حنا يالله مستحملينك ........؟؟
شهد.. يما وصايف ضيفه عندنا ولازم نكرم الضيف مثل ماتعلمتي كل يوم تكرمين ضيوفك
حتى حنا عندنا ضيوف ومحنا طالعين من الصاله وضيوفك يسطفلوا مالنا شغل فيهم ..؟

موضي .. انقهرت حدها من بناتها لانهم قامو يزفونها قدام وصايف ...وراحت خلتهم ...؟

اما البنات راحوا لدار هدى فوق ... يسولفون ويحاولون يهدون وصايف ويخلونها تضحك ..
البنات كانوا حدهم مستانسات من وجود وصايف عندهم ............؟؟؟

وصايف.. ودي ارتاح بنات وين بنام ..؟
دلال.. امشي نامي بغرفة احمد اخوي مسافر اليوم الصبح ولا راح يرجع الا بعد
اسبوعين ...؟
وصايف.. لالالالا اخاف مايرضى .....
دلال.. يابنت عادي شدعوه يدري عشان تاخذين راحتج فيها ...؟؟
وصايف.. انزين وينهاا ...؟

وراحت وصايف لدار احمد واول مادخلتها ابتسمت لانها مبين انها غرفة عزابي عن
جد معفسه والملابس بكل صوب وحاط صوره بالغرفه كان مملوووح حيل يجذب الواحد
غصبن عنه ....
دلال.. يؤؤؤ من احمد توني الصبح مرتبتها مسرع ما عفسهاا ..؟
وصايف.. ضحكت على دلال لان باين عليها تعبانه من احمد ... ؟؟
دلال .. يالله نرتب من جديد .. وتكفس ادينها .. بسم الله ..؟؟
وصايف.. يابنت خلي انا برتبهاا ...؟
دلال.. من صجك ضفتنا وترتب انتي بس روحي لغرفتي 5 دقايق اخلصها شغل
احمد متعوده عليه ..؟
وصايف .. ابتسمت وجلست على الكرسي وقامت تطالع بصور احمد وغرفته ...؟؟
خلصت دلال من ترتيب الغرفه وطلعت خلت وصايف ترتاح ...؟؟

راحت وصايف انسدحت على السرير وغطت بنوم عميق من التعب بس كل شوي تقوم
تحسب انها بالمستشفى فلما تلف على يمينها تشوف انها مو بالمستشفى وان ابوها مات
فاترجع تبكي مره ثانيه عليه وكل ماتذكر موضي وكلامها وشلون بتجلس بالهبيت
يزيد بكاها اكثر نامت وصايف مره ثانيه وعلى حدود الساعه 1 ونص بليل ...؟

انفتح باب غرفة اللي جالسه فيهاا وكانت الغرفه ظلام ماهي عارفه منو اللي دخل
عليها..
اما اللي دخل جلس يقط جنطته ويبدل ملابسه ولا كان يدري انا بالغرفه فيها احد ...؟؟
وصايف.. كانت خايفه حدها من اللي دخل لا تكون موضي وتبي تسوي فيني شي ...

فغطت نفسها بالبطانيه ومادرت ولا تنفتح عليها البطانيه .. وهي من شدة خوفها
صاحت .. أأأأأأأأأأأأ
واللي رفع عنها البطانيه من صيحتها صاح .. أأأأأأأأأأأأ
راحت وصايف تركض برى الغرفه واحمد ركض وراها ومسكها من ايدهاا
البيت كله قام على صياحهم ...؟
احمد .. وهو ماسكها من ايدها .. من انتي ...
وصايف .. كانت تحاول تغطي نفسهاا .. وصايف وصايف ..؟
احمد .. منو وصايف تكلمي منوو ... وكان ضاغط عليهاا حيل ...؟
وصايف.. هنا قامت تبكي وتغطي وجهها بكفيهاا ...........؟؟؟

البيت كله طلع ... ؟؟
دلال .. احمد انت شجايبك ..؟؟
احمد .. ويلف عليها معصب .. منو هذي ..
شهد .. امبي .. وتروح شهد تركض وتمسك وصايف وتدخلها غرفه هدى ...؟؟

دلال وهدى وامهم ...؟ شعندك جاي منت مسافر ...؟
احمد .. هااه منو انا الا .. انا شجابني صج ...؟؟؟؟
دلال... هههههههههه ماتدري شجابك ....
موضي.. شمدخل وصايف غرفة احمد هااه مومكفيها الابو تبي الولد بعد ....؟
هدى.. يما انتي شفيج على وصايف انا خليتها تنام بغرفة احمد يمكن تاخذ راحتها اكثر ..؟؟
موضي.. يعني تبيني اصدقك .. اه اه برح انام ابرك لي ..

احمد .. مكشر .. شفيها هذي امج ...؟
هدى.. شدراني عنها بعدين ترااها امك ..؟؟
احمد.. ياعمي قال امك قال الا صج منو هالقمر اللي كانت نايمه بفراشي ..؟؟
هدى.. استح على وجهك بعدين روح البس لك شي يغطيك ..
احمد .. دنق يشوف شنو لابس .. إلا بنطرون جنز طويل من غير قميص او أي شي
يسر جسمه اللي فوق .. كان جسم احمد حلو حيل عريض المنكبين وهو يلعب حديد
وتحسين جسمه معضل بس مو العضلات اللي تخرع لا عضلات حلوه مناسبه لطوله

احمد .. بروح اجيب لي بدي واجيك انطريني بالصاله ... راح احمد يلبس شي يستره
وهدى جالسه تنتظره بالصاله ..

اما بغرفة هدى .. شهد .. يابنت خلاص حصل خير ...
وصايف .. كيف حصل خير وامك تقول مو مكفيها الابو جايه على الولد ..
شهد .. يابنت امي حتى حنا عيالها مانحس انا عيالها كنا اعدائها ...........؟
دلال.. والله انها تسب فينا سب مو طبيعي تقول طباين حتى مشعل اخوي لصغير
مايحب يجي بيتنا بس قاعد بيت خالتي لان يشوف هناك فيه حنان حنان خالتي الله يخليهاا
وصايف.. سكتت .. وقررت بنفسها ان من بكره الصبح بتكلم محمد يتصل على عمانها
تروح تسكن عندهم ولا تسكن عند غريب ..............؟

في الصاله ..
احمد .. الله يرحمه بس عسى مو امك جرحتها بكلمه مني ولامني بعد ...
هدى.. اخر كلمه سمعتها بذنك ..؟؟
احمد .. الله يعين امج على نفسها مدري شلون مستحملتهاا ..؟
هدى.. ماعلينا من امك .. انت ليش جاي ..
احمد .. اسكتي توني راجع من المطار يؤؤؤ بغيت امووت من الساعه 10 الصبح وانا على
رجولي الرحله كنسلوهاا .. شف نحس علينا ابراهيم زوجك هذا ليش يروح معانا ..

هدى.. استحت يوم سمعت طاري ابراهيم .. هو كان معاكم ...
احمد .. ياعيني على الادب يعني مستحيه يالربي متى يجي اليوم اللي اشوفك فيه لابسه
الثوب الابيض وانا استحي مثلك لما انخطب ...؟
هدى.. انت صاحي شنو تنخطب تخطب ..
احمد.. صج يعني لازم انا اخطب لا استحي ...
هدى.. بعرف انت متى تكبر .......
احمد.. لما اكبر ههههههههههههههههههههههههههههاي يالله بروح اخمد لاني حدي
نعسان سي يا خيتو ..
هدي..تصبح على خير ...
احمد .. وانتي من اهلواا وسلميلي على الحلو اللي عندكم ..
هدى.. مليغ

راحت هدى دارها وشافت البنات مجتمعات على وصايف يسولفون وصايف نايمه بينهم
وشهد ودلال يتناقشون ... بصوت عالي ..
هدى.. انتو هيه البنت نامت ..؟
شهد .. وصايف قومي اتفقنا على السالفه ..
وصايف.. بكره بكره قولوها بنام ..
هدى.. احمد يتسمح منك هو تروع يوم شافج بغرفته ...؟؟؟
وصايف.. لالا عادي .......؟؟

نامو البنات بسكينه وهدووء ماعدا وصايف اللي تمثل دور النايمه وهي حدها مهمومه ...؟
مر اسبوعين على وفاة ابو وصايف.. وصايف والدكتور محمد واحمد معاهم يدورون ارقام
عمان وصايف ....

دخل احمد البيت .. تنحنح ..
البست وصايف عباتها ونقابهاا .... دخل احمد عليهم ...
وجلس على الكنبه .. اه اه تكفون ابي ماي .....؟؟
راحت شهد تجيب ماي لخوهاا .....؟

احمد قط غترته وعقاله ويفتح ازرت دشداشته اللي فوق وكل البنات يطالعونه ....؟
وشرب الماي وهو يتغاضي نظرات البنات .. وفي نفسه يضحك ....؟؟
احمد .. الحمد لله على نعمة الماي صج عديل الروح ....؟
هدى.. اللي بعدووه ..
احمد ولف عليهم .. اول صلوا على النبي ..
وصايف وهدى وشهد ودلال .. اللهم صلي وسلم عليه ..
احمد .. زور ابن الزرزر اللي عمره ماذبح ولا نطق زور ...
البنات ...... يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ بدينا اخلص..
وصايف.. ضحكت وتحاول تمسك الضحكه ماهي قادره ....؟؟؟
احمد .. طالعهاا .. وضحك .. شفيج اول مره تسمعينهاا .
وصايف .. لا
احمد .. ويسوي نفسه معصب .. ماراح اقول شلي معاي .. ويمد لسانه ..
البنات.. عاد اخلص .....
احمد .. عندي خبرين واحد جنان والثاني جنان ...
شهد .. نبي الجنان الاول ..
احمد .. الجنان الاول .. بعنا بيت وصايف وهذا فلوسها وورثها بعد ...؟
البنات .. الله صرتي غنيه ...
وصايف.. أي غنيه كلها بتروح اللحين للديانه.. والخبر الثاني ..
احمد .. لقيت رقم عمانك ..
وصايف.. وفرحت .. عطنيااه ..

قامت هدى خذت الرقم من احمد والتلفون ...
وصايف.. هذا رقم اللي بالكويت ولا اللي بسعوديه ....؟
احمد .. ماعندج عمان بالكويت اخر واحد مهاجر من خمس سنين باع كل املاكه بالكويت
وراح لعمك بالسعوديه اللي عايشين بالشرقيه أي الدماام ...؟
وهذا رقم الشركه مالقيت الا هو وجربي يمكن يرد عليك ...؟

خذت الرقم وصايف وطلبت الرقم .. تووت تووت تووت ؟؟؟
العيون كلها بتاجههاا .......؟

ياترى هل راح تكلم وصايف عمانهاا او بتشوفهم ...؟؟
ومنو الاشخاص الجدد اللي بنشوفهم في الجزء الخامس .....؟؟

القاكم في بقية القصه

الجزء الخامس ...؟؟

وصايف اتصلت على رقم عمها خالد في الشركه ....؟؟
السكرتير .. السلام عليكم شركة الخالد للمقاولات تفضل من معاي ..
وصايف.. بخوف .. وعليكم السلام هذي شركة خالد الجاسر ..
السكرتير.. أي نعم ..
وصايف.. لو سمحت ممكن تعطيني المدير خالد ...؟
السكرتير.. اسف اختي هو عنده اجتماع بس منو اقوله ..
وصايف.. انزين ممكن تعطيني رقم البيت او عنوان الشركه لاني ابيه ضروري انا
وحده من أهله لو تكرمت ...؟؟
السكرتير.. اقدر اعطيك عنوان الشركه اما البيت فأسمحي لي .. وعطى السكرتير
العنوان لوصايف ....؟
وصايف.. مشكور وماتقصر ..؟

سكرت وصايف التلفون من السكرتير ...........؟؟؟
هدى.. هابشري سصار...؟
وصايف.. جبت عنوان الشركه ...؟؟
احمد .. حلوو زين انا استأذن بروح انام ...؟؟
شهد.. يعني اللحين بتروحين وتخلينا ...؟؟
وصايف.. بروح لهلي بكلم اللحين عمي محمد واقوله اني لازم اسافر ...؟؟
دلال.. اجل كلنا بروح معاك منهاا سياحه عقب الامتحانات ...؟؟
وصايف.. قولوا لعمي واخاف موضي تعارض ..
هدى.. شدعوه موضي راده علينا باجر مسافره لجنيف مع اهلهاا ..؟
وصايف. على العموم بروح اكلم رفيجاتي بودعهم ...

اتصلت وصايف على صديقتها غرام وطلبت انهم يتواعدون بمكان فتواعدوا كل
البناات بالحديقه اللي كانت قريبه من بيت غرام ....؟؟؟

راحت وصايف على حدود الساعه خمس العصر هي وشهد ودلال لرفيجاتها اما
هدى قعدت عشان تكلم ابوهااا ....؟؟

وصايف.. دلال تشوفين البنات اللي بالزاويه هذولا رفيجاتي ...
دلال.. ماشاءالله شكثرهم ...؟
وصايف.. عشان تعرفين شلون انا غاليه ...؟
شهد .. مالومهم فيج عاد كان ودنا تقعدين بيتنا طول العمر ....
وصايف.. الله طول العمر قويه ...
دلال.. ليش لا اذا تزوجتي احمد اخوي ...؟؟
وصايف.. احمد ؟؟
شهد.. ايه احمد ليش ..
وصايف.. وان احمد يبي بنت خالكم شوق ..
دلال.. صح بس انتي تسوينهاا ..
وصايف.. لالا خليني اروح لهلي اللي انحرمت منهم طول عمري وتوني بعد صغيره
على الزواج عمري 16 سنه بتعجزيني ...؟؟

وصلوا البنات عند رفيجات وصايف ... قاموا كلهم وتحاظنوا لانهم من زمان عن وصايف..؟؟
وصايف... اعرفكم بنات الدكتور محمد دلال وشهد ..
البنات.. هلا والله .........
جلسوا البنات يسولفون مع بعض وضحك وغشمره وطنازه على اللي رايح واللي جااي ..؟؟
شعفه.. سوينا لج هديه وصايف عشان ماتنسينا ...؟؟
وصايف... شنو ..

وطلعت لها غرام كرتون متوسط الحجم .. فيه علبه وفيها رساله وورود ودب مكتوب عليه
....+احلى شلة الفصله +....
ابسمت وصايف فلما افتحت العلبه لقت عقد زجاجي مطبوعه عليها صوره جامعه كل افراد الشله
شعفه واسماء وغرام وصايف وفاطمه ... لبست العقد وصايف وبكت والكل بكى
لانهم بيفارقون وصايف ويمكن مايشوفونها بعد هالمره ابد ...
وبعده استأذنت وصايف من البنات لانها بتشتري لها اغراض حق السفره من ملابس
وخرابيط بنات .....؟؟؟

في بيت د.محمد ....؟؟

هدى.. هااه شرايك يبه بالفكره ..
د.محمد .. مش بطاله منها تروح وصايف لهلها ومنها نتسيح من زمان عن الدمام ..؟
هدى.. يعني متى عشان نرتب اغراضناا ...؟
د.محمد .. بشوف احتمال بعد بكره ..؟؟
هدى. خلاص ابلغ وصايف بالخبر اكيد بتفرح ....؟؟
د.محمد .. بلغيهاا ..؟

ويمر من قدامهم احمد مستعجل ..؟؟
د.محمد... على وين ..
احمد.. على ربعي ترى بكره مسافر يبا انزين ..؟
د.محمد .. انزين ومتى بترجع احتمال نسافر بعد ..؟
احمد.. لما تخلص الدوره يمكن بعد اسبوعين ............؟
د.محمد .. الله يوفقك ..
احمد مشى وعقب رجع وطلع راسه ... لاتحاتين ابراهيم معانا ..
هدى.. وحمر وجهها .. وانا سألت قلت شي ..
احمد .. قلب الاخ يالله بقوله هدى تسلم عليك تلقينه ينجن ..؟
هدى.. وجع ... وقامت من مكانهاا ...؟
احمد ومحمد .. ههههههههههههههههههههههههههههه ...

في السوق ..
شهد .. اشترى هذا وصايف تلاقينه جنان عليك ...
وصايف.. هااه يعني اوكي اخذيه ...
دلال.. شرايج بالبدي هذا تحسينه مفصل عشانج ذرب وبناتي ..
وصايف.. جنان حلو عطينياه ..
شهد.. كذا خلصنا الملابس نمشي عند المكياج ....
وصايف.. شحقه مابي مكياج ....؟
دلال.. حقكي عشان تمكيجين ..
وصايف.. ابوي توه متوفي واحط مكياج لالالا مابي ..
شهد ... ابوكي الله يرحمه عيشي حياتك بيصير لبوك الشهر وانتي لالحين حزنانه
الرسول قال ... لا يجوز لأمرء ان يحزن فوق ثلاث ليالي الا على زوج اربعة اشهر وعشرا..
وانتي صارلك شهر خلاص يا وصايف لميتا وانتي بس مكشره عيشي حياتك ..

وصايف.. اصلن انا حياتي راحت من وفاة ابوي ...
دلال.. استغفري يابنت ربك ...؟؟
شهد .. ماعليك منها نشتري لها حنا وبتستخدمه غصبن عن خشمهاا .....؟
وصايف.. ابتسمت .. بسبت كلام شهد الخبله اللي ماعليها من احد ودايم تقول مثل
عيشي يومك وانسي ماضيك ..............؟؟؟؟

بعد ماخلصوا البنات من السوق رجعوا البيت الا بنتضارهم هدى وهي معصبه حدهاا..؟؟

هدى.. ماشاءالله انتو مستانسات وانا هني انطر مثل لحمار..
شهد.. كرم الله الحمار ..
البنات.. هههههههههههههههههههههههههه
وصايف.. بنات عيب عليكم هذي هدى زوجة ابراهيم شلون تهونونهاا لالا ميصحش كذا
هدى.. أي ساحليني بكلمتين حلوين
شهد.. كلمتي ابوي ..
هدى.. ايه شريتوا لي هديه ...
وصايف. شرينا لج ولا شي ..
هدى.. شسالفتكم اليوم متصلط كل البيت علي .....؟؟
دلال.. مدري ليه بس مكتوب بوجهك تسلط هناا ..
البنات... ههههههههههههههههههههههههههههههههه
هدى.. وتنرفزت ... مراح اخليكم تاكلون من عشاي ولا اقول لكم ابوي شقال ...؟
وصايف.. اكيد وافق ..
هدى.. لا يالفالحه قال وصايف بنتي ومراح اخليها تروح لناس غرب .....؟؟؟
وصايف.. بس هذيلا اهلي ومابي اكلف على احد ...
شهد.. حنا أي احد..
هدى.. لالالااكذب عليكم قال بعد بكره السفر ..
وصايف.. تحذف على هدى الكيس ...
هدى.. المهم ماتبون عشاا .....؟؟
البنات .. امبلا .. قالوها مع بعض .....؟؟

تعشوا البنات وعقبها راحوا يرتبون اغراضهم وملابسهم وهدى تحوس بالمطبخ
ترتب اغراض السفره وعقبها كل وحده راحت خمدت بسريرهاا ......؟
وصايف جالسه تفكر شنو بيصير لها بالمستقبل منو بتقابل كيف بيستقبلونها
كلها اسأله تدور في بالهاا .........؟؟؟

جاء موعد السفره ....

د.محمد .. يالله بنات نزلوا الاجناط ..
شهد. انا خلصت كل اغراضي وهذي جنطتي ...
دلال ... يالفالحه وديها السياره ..
شهد.. لا والله ابوي يوديهاا ..
هدى.. ياذنب ابوي وين وصايف ...
وصايف.. كاني جايه ....؟؟

وبعد ما حطوا الاغراض بالسياره وركبوا ...توكلوا على الله ومشوا للدمام ...؟؟
د.محمد .. تأكتوا من كل شي مسكر ..؟
هدى.. سكرت باب باب ومفتاح مفتاح والشوله بيدي وقفلتها وهذي المفاتيح ..؟؟
د.محمد .. يالله قولو دعاء السفر وتوكلنا على الله ..؟؟

وهم بالطريق مابين سوالف وضحك وغشمره وقصايد شهد اللي تموت من الضحك
وتعليق د. محمد عليهاا ... لين وصلوا الدمام ...
راح دور د.محمد لهم شقه بالخبرعشان البنات اذوه يبون سوق الراشد ...

اول مادخلوا الشقه شهد على الدريشه .. بنات تالوا شوفوا سوق الراشد قدامناا ...؟.؟؟.
والبنات .. يركضون .. الله ..
دلال.. شرايكم نروح له ..
هدى.. فكره حلوه خلنا نقول لبوي ...
وصايف.. لالالا فشله عمي تعبان الساعه 6 خلوه يريح ...
هدى.. ماعلي منك يبا بنروح للسوق ...؟؟
د.محمد .. لالالا نامو وبكره ماخلي لكم مكان ماوديه لكم ....؟
شهد.. بس حنا نبي وصايف معانا ...؟
وصايف..يابنت عادي المهم تستانسون انا ودي اشوف عمي لاني حدي خايفه ..
دلال.. على راحتك حتى حنا بنشوف ردة فعله ...؟
وصايف... المهم جوعانه خلونا نطلب على حساب دلال معاها 100 ريال شرايكم
الكل.. هيه هيه وناسه ايه نبي على حساب دلال
دلال.. وتنحاش لالا ماكو ميتي ..
والبنات وراها يبسرقون منها الميه .............؟؟؟

وسرقوها البنات وتعشوا فيها ودلال بس تدعي عليهم .. جعله زقوم ببطونكم ..؟
وصايف.. أي بطني ..
دلال .. خله احسن..
وصايف.. وتطلع لسانهاا .. على قلبك بكملها ...
البنات.. هههههههههههههههههه

بعدها جلسوا البنات على التلفزيون يطالعون وناموا بمكانهم ......؟؟؟

الصبح .. يسمعون صوت دق الباب عليهم ......؟؟؟؟
دلال.. روحوا بطلوا الباب يمكن ابوي ......؟
شهد. انزين وراحت تفتح الباب .....منو .؟؟
د.محمد .. خلوا وصايف تتجهز لانا بعد 10 دقايق بنمشي ...؟
شهد.. انشالله ...؟
وصايف.. قامت تلبس وتغسل وجهها وتفطر عشان بتروح لعمهاا ...؟؟
وبعدها .. راحت وصايف مع د.محمد .... للشركه .....؟؟؟

طولوا على ماوصلوا الشركه لان مكانها بعيد . شوي واول ماوصلوا شافوا لهم عماره
كبيره وكان شكلها قمه تقول وزاره مو شركه .....؟؟
نزل محمد هو وصايف عند الشركه ... وراح سأل وين مكتب المدير قالوا له فوق بالدور الثالث..
وراحوا لدور الثالث وقابلهم السكرتير وطلب منهم انه ينتظروون .....؟؟

وصايف قامتت تتأمل العز اللي هم فيه ومستغربه في نفسها معقوله انا اصير لناس اغنياء
وعيال عز .... المكتب ماكنا فيه احد بس السكرتيرو وصايف ود.محمد ينطرون جيت
المدير خالد ... كانت الساعه عند وصول وصايف 8 وعلى ماجاء عمها الساعه 10 وقت طويل
كانت تمر الدقايق سنين بالنسبه لوصايف اللي مشاعرها كانت تتظارب من دخلت الشركه
وهي متردده وخايفه وماهي على بعضهاا ....
ش
وصايف ... عمي محمد ..
د.محمد .. هلا بنتي ..
وصايف.. خلاص مابي عماني برجع لكويت معاكم ..
د.محمد .. وصايف انا قلت لك من اول بس انتي رفضتي خلينا نجرب عمك واذا مافاد معااه
الكويت واهل لكويت كلهم تحت امرك ...
وصايف.. ابتسمت وارتاحت من كلام محمد ..........؟؟؟

راح السكرتير وطلب من وصايف ود.محمد الدخول للمدير ... فتح لهم الباب السكرتير
واول مادخلت وصايف حست ان رجولها ماتساعدها على المشي ...؟؟؟ رجلها خانتها بالهلحظه
ظل المدير يناظرها وكنه يشوف لاول مره عيون بالهجمال ويقول بنفسه .. هالعيون مب غريبه علي ......؟؟؟؟
جلست وصايف مع محمد عند مكتب المدير... رحب فيهم المدير بحفاوه لان مثل ماقال
السكرتير ناس من اهلك ..؟؟

المدير خالد .. ياهلا والله وش تشربون ..
د.محمد .. زاد فضلك بس ماحنا جاين نشرب جاينك بموضوع بخصوص البنت اللي معاي.

وصايف نزلت راسها لما شافت عمها يطالعها ويبتسم .. ؟؟
مديرخالد.. ياهلا والله فيك انت وبنتك ...
د.محمد.. والله هذي مب بنتي هذي امانه عندي وبوصلها لك ..؟

استغرب المدير خالد وانصدم ... امانه ولي انا بعد ولا بنت كبر بنتي ...؟؟
وبالهلحظه دخل عليهم تركي ولد خالد عمره 22 سنه ولد كان ايه في الجمال لا طول
ولا بياض ولا جسم والبنات يتحذفون عليه من كل صوب .... بس مغرور ومتكبر
وشايف نفسه حيل .....؟؟؟

تركي.. السلام عليكم ..
خالد... وعليكم السلام تفضل يا ولدي في موضوع هنا ملخبط مخي ..
تركي.. ماعاش من يلخبط مخك ما عرفتنا عليهم يالوالد..
خالد.. اجلس وبتعرفهم انشالله .... كمل يا .. وش ينقالك ..؟؟
د.محمد.. ابو احمد انا جايكم من الكويت..
ابتسم تركي وقام يطالع وصايف من فوق لي تحت.... هيالله اهل لكويت ...؟؟؟
خالد.. يابو احمد قول ترى والله احرقت اعصابي ....؟؟
د.محمد.. اولا جاي اعزيك بوفاة اخوك ناصر ...؟؟

انصدم خالد وقف وقام يطالع ولده تركي .. وتركي كان منصدم نفس حال ابوه ..
خالد.. ومتى هشي صار وكم صاله متوفي ...؟؟
د.محمد .. والله يمكن اللحين له ثلاث اسابيع وهذي بنته وصايف مالها بالدنيا كلها الا
انتو وهو وصاني قال لا صار فيني شي خل وصايف تروح لعمانهاا وهذي امانه سلمتها
لك كان دين برقبتي ...؟؟
خالد.. كفيت وفيت ... ولف على وصايف ... شلونك بنتي ياوصايف ..
وصايف.. بخجل.. بخير دامك بخير .....؟؟؟

جلس د.محمد والعم خالد يتكلمون عن ناصر ابو وصايف وخالد ماخله شي الا استفسر
عنهاا ..

اما تركي فضاق خلقه ..وقال قلبه .. ألحين بتجينا عله يؤؤؤ لازم تكلف ولا راح ارتاح
في بيتي يؤؤؤ وش ذي المصيبه ليش ماقول لبوي يوديها لعمي سعد ... كل اللي عنده بنات
وماعنده عيال اريح لنا ولهاا ... ألحين عقب كل هالسنين تذكرنا ... بس مووت عليها عيون
مووت .. دميره دميره .....؟؟؟؟

خالد.. خلاص يا ابو احمد عشاك بكره عندي ..
د.محمد .. لا يابو تركي عشاك واصل بس البنات لحالهم في الفندق واخاف اتأخر عليهم
وتعرف يبون السوق وتعرفهم ازعاج ...؟؟
خالد.. ورى ماتجيبهم يتعشون عندنا .. خلاص وصايف اللحين حرمة البيت ..

ابتسمت وصايف لعمهاا .. وارتاحت وزاح عنها هم كبير بس كانت تقول بقلبهاا ..
يمكن يمثل قدام عمي محمد وبعدها اشوف الهوايل .... بعدين هذا ليش يطالعني
يمال بط العيون ....؟؟

د.محمد .. خلها يوم ثاني انشالله الجايات اكثر وحنا بنزور وصايف كل يوم بنخثكم
لانها وحده من بناتي ...؟؟
خالد.. العشا فيكم فيكم اجل قبل ماتمشون للكويت تمرون تعشون عندي ..
د.محمد... ابشر خلاص تم .... وصايف خلاص انا بمشي اللحين انت عند عمانك ..
وصايف لا اراديه .. مسكت يد .. د.محمد .. لا تخليني بروحي ..

العم خالد؟.. وصايف يابنتي محنا عاضينك وانا بنفسي راح اروح اللحين معاك البيت ...؟
وصايف.. شالت ايدها من على ايد ابو احمد .. وابو احمد راح لبناته بالفندق .....؟؟

العم خالد.. هاا وصايف تروحين للبيت اللحين مع تركي ولا تنطرين لما اخلص اوراقي
وصايف.. لا انطرك عمي ...
تركي.. ليش ماني بماكلك انا قول يبا تروح معي احسن..
العم خالد.. البنت ماتبي تبي عمهاا ..
تركي.. لا تروح معي شلون عناد ترى ماحب اللي يعاندني ...؟؟
العم خالد... ماكنه وراك مكتب رح يالله لا عيني تشوفك هناا ..
وصايف... تضحك .. بس تحاول تمسكهاا ...
العم خالد.. ههههههههههههههههههههه زفه زفيتك قدام بنت عمك من قدك
تركي.. اللي انقهر من وصايف يوم تضحك ... قال يصير خير ...

وطلع تركي وهو حده موصل على الاخر .من ابوه يوم يزفه قدام وصايف...؟؟؟

بعد ماخلص العم خالد من اوراقه راح للبيت هو وصايف ... كان حيل مستانس
بجية وصايف عنده لانه حس انه ظلم اخوه معاه ويبي يعوضه بنت اخووه ...؟؟

العم خالد .. ماعنده بنات عنده 3 عيال ... الكبير فارس عمره 24 اع**
والثاني تركي 22 اع** والثالث والاخير نايف عمره 10 سنوات دلووع البيت كله ...
العم خالد متوفي زوجته من خمس سنوات والبيت من عقبها كأيب....؟؟؟

وصل ابو فارس (خالد ) وصايف البيت ... ولما شافته وصايف انجنت قصر ولا قصر
الف ليله وليله وغير الحديقه اللي فيها نهر والورود والخدم والحشم حست نفسها لاول مره انها
اميره ......؟؟؟

ابو فارس... تفضلي يابنتي تفضلي ...
وصايف.. زاد فضلك ..

كان منسدح على الكنبه فارس ويلعب بتلفونه ..
فارس.. اخيرا جيتوا مـــــــ ..... وانصدم لما شاف وصايف ..؟؟؟
ابو فارس.. ماتسلم على بنت عمك ناصر ...؟؟؟
فارس.. بنت عمي ؟؟
ابو فارس.. ايه بنت عمك ؟؟
فارس.. ايه ياهلا والله وغلا ومرحبا وشلونك وشلون اللي جيتي منهم وشلون عمي ناصر
يالله انك تحيهم وتبقبهم و
ابو فارس.. ياولد كليت البنت .. شوي شوي
ضحك وصايف على ولد عمها فارس وعلى شكله وشعره اللي مبهذل وبجامته النوم ..؟؟

تركي وهو توه داخل ... بدل ماتسلم على البنت وتخرعها بشوشتك رح بدل لان
رحيتك واصله لاخر الشارع ....؟
فارس.. يما ذا منين طالع ياربي دخيلك وانت وش دخلك بنت عمي وانا حر فيها
تركي. يعني بنت عمك لحالك وانا بعد وياك..
ابو فارس.. يؤؤؤ بدا المناجر حطيتوا الغداء وين نايف ..؟؟
نايف.. وهو نازل من فوق .. انا هناا ... وانصدم لما شاف وصايف ..
وقال براءة الاطفال .. الله يبا جبت لنا ام ثانيه ..
ابو فارس.. ههههههههههههههههههه لا ياخبل اخت لكم
نايف.. الله بيصير عندي اخت احسن من روس هذولا المعفنين ..
وصايف.. هههههههههههههههههههه
تركي +فارس.. عليه ... ويركضون وراه ويطقونه طق ...؟
ابو فارس.. حتى قدام البنت منتوا عاقلين يالله ترى باكل وماني مستنيكم ..؟؟

راحوا قعدوا على الغداا واللي كان اشهى المؤكولات واطيبهاا ....؟؟
ابو فارس .. هااه وصايف وش تبيني احطلك ...؟؟
وصايف.. لا عادي انا احط لنفسي ...؟؟
ويقوم فارس وياخذ صحن وصايف.. انا بسكب لك وش تبين انا بختار لكي على ذوقي ..
وصايف.. يالله نشوف ...؟؟
تركي.. ويغار من اخوه .. ماشالله من متى قمت تسكب لغيرك اظاهر الكشه عملت مفعولها..
فارس.. ماعليكي منه هو يحب يتفلسف واجد بتعودين عليه قريب انشالله ...؟؟
وصايف.. انشالله ..

بعد ماخلصوا من الغداا راح ابو فارس يرتاح وخل وصايف مع عيال عمهااا ......؟؟؟
فارس... الا صج كم عمرك وصايف..
وصايف.. 16 سنه ..
فارس. العمر كله ..
تركي.. ماودك ترتاحين شكلك تعبانه ...؟
وصايف.. امبلا ..
نايف..اوديك غرفتك ..
وصايف.. يالله ..

وتروح وصايف للغرفه اللي بتجلس فيهاا وقامت فصخت عباتها ونقابها وجلس نايف يطالعهاا
..
نايف... الله تجننين انتي مره حلوه ..
وصايف... وتمسك خدوده .. بس مو احلى منك ..
نايف .. الله انا نفسك حلو اخواني دايمن يقولون لي يالجيكر وانا يضيق خلقي ..
وصايف.. بس خلاص انا هنا ومراح يضيق صدرك ابد ...؟؟
نايف.. اجل اخليكي تنامين واجي اصحيكي شوي ..؟؟
وصايف.. اوكي..

وراح يركض نايف تحت لخوانه اللي كانوا يتهاوشون ...؟؟
نايف.. شباب شباب ..
فارس.. وش تبغى تراك ادوجتني ..؟؟
نايف.. البنت شنو طلعت مووووت ..
فارس.. قول والله ..
نايف.. وربي فوقي ..؟؟؟
تركي وفارس ..يركضون يسجدون سجدة شكر ان في مزيون طب بيتهم ..؟؟
تركي.. من سم جنه ماجتنا بنت بيتنا ..؟
فارس.. سم جنه .؟؟؟؟
تركي.. اوو اقصد من كم سنه ..؟
نايف.. هههههههههههههههااااااااااااااااااااااااااااااييي
فارس.. سم جنه لووووووووووووووووووووووووووووووووووووووووووووووووو ووول
تركي.. بلا مصاخه..
فارس ...يقولك في واحد سم جنه ثم ماات ..
نايف.. ههههههههههههههههههههههههههههههههههههههههههههههههها ي
تركي.. وش المطلوب اضحك..
فارس.. لالالالا نايف يكفي هههههههههههههههههههههههههه منقهر..

وقام تركي راح نام لانه انغث منهم ؟؟؟؟

في اليوم الثاني ...؟؟
عرفوا العمان الباقين عبدالله وسعد بخبر وفاة اخوهم وصول وصايف وكلن جاء يشوف وصايف.. بنت اخوهم ؟؟؟..

بعطيكم تعريف بسيط عن العمان ...
العم عبدالله 38 .. ابو سلطان عنده ولد وبنت .. الولد اسمه سلطان وعمره 13 سنه والبنت
هنادي وعمرها 11 سنه وزوجته حامل بشهر الرابع .. واما زوجته نوال 34 فهي انسانه
ملتزمه وحبوبه ونفسها حلوه مره نفس زوجها عبدالله ..

العم سعد ابو أصايل انسان طيب بس زوجته مخربه عليه بكل شي طماعه وتحب الفلوس وعندهم اربع بنات .. أصايل عمرها 13 ورهف 10 وسديم 6 و غصون 2 ..

وصلوا العمان لبيت ابو فارس اللي كان جالس في الصاله هو وصايف ونايف
اما تركي وفارس كانوا .. يطلون من فوق يبون يشوفون وصايف بأي طريقه ..؟

فارس.. تركي تشوف شي ..
تركي.. ماشوف شي لابسه عباتهاا ..
فارس.. كني اشوفها قطتها .. إلا والله خلعت عباتهاا ..
تركي.. هيه وناسه بس ماشوف غير شعر ...؟
فارس.. وخر خلني اشووف ...
تركي.. انزح جاي مكاني..
فارس.. بفلوسك هو قم للعن خيرك ...وانك انت ماتدانيها ومنخث من وجوده عندها وتعاملها
معامله قشره وتبي الفكه منها اليوم قبل بكره ...؟
تركي.. ايه صح بس مايمنع اني اطالع معاك ...؟
فارس.. مو عيب نشوف .. امش وانا اخوك الايام جايه وكفيله بشوفتها.. ويمسك اخوه
من علباه ويمشي فيه ..؟
تركي.. ياعمي روح ..؟
فارس.. عيب عليك يمكن تصير مرة اخوك وشلون تشوفها مرضى انك تطالعهاا ...
تركي.. منت ماخذهاا .. ويمد لسانه على اخوه ..
فارس.. اجل بخليها لك . بزوجها زيد خويي رجال طيب..
تركي.. والله زيد مستواهاا .. كفوهها ..
فارس.. مو لانه اقل من مستواك المادي .. تحتقره المهم امش نلبس عشان
ننزل لعماني ...؟؟

في الصاله ..
ابو اصايل .. ماشالله ماشاالله هذي بنت اخوي ناصر ..
وصايف... اللي كانت تبتسم لعمها سعد ومالها نفس .. لانه تدري شسوى ببوها ..؟؟
ابو سلطان.. ماهقيت بنت اخوي بالهزين ليت بنتي هنادي نفسها ..
وصايف.. ماشالله هنادي كلها حلا ..
هنادي.. أي قولي له ماني ماليه عينه ..
ام سلطان.. هههه ياعوب البنات بسك عاد لا تفشلينا قدام وصايف وهي توها جايه عندنا..
ابو فارس.. لالالالالا اللي يزعل وصايف كنه يزعلني هذي بنتي اللحين .. ربي رزقني
بأجمل بنت ..
ابتسمت وصايف ونزلت راسهاا من كلام عمهاا اللي صج فرحانه انها جت عندهم ..؟؟
ام اصايل.. ايه جايبه هالزين من امها الاجنبيه .. ولا مو من ابوهاا .. (وتقولها بسخريه )
وصايف.. الزين للمره مب للرجال .. والرجال ينقاس بفعوله مو المره تقوده (( وتطالع عمها سعد ))
ابو اصايل.. هههههههههههههههههههه صح كلامك الرجال بفعوله ..؟؟
ابو فارس.. انت وياها جايين تسلمون على وصايف ولا تضيقون خلقها ..
وصايف.. لالالا عادي عمي ماضيقوا خلقي ولا شي ..؟؟
ابو فارس.. ورى ماتخذين البنات وتروحين لغرفتك وصايف بغيت عمانك بسالفه ..
وصايف.. حاضر عمي ..؟؟؟

وراحت وصايف هي واصايل وهنادي ورهف لدارهاا ..؟؟؟
وصايف.. حياكم تفضلواا ..؟
هنادي.. ياحظك ساكنه بيت عمي ومعطينك احلى غرفه يابختك ..
رهف.. يهب ياوجهك قولي ماشاء الله ..؟؟
اصايل.. وصايف انتي كم عمرك ..؟
وصايف.. عمري 16 ..
هنادي.. العمر كله انشالله ..؟؟
وصايف.. المهم شحابين تشربون وتاكلون ..؟
هنادي.. ابي كوكتيل ..
اصايل.. ابي شاي ..
رهف.. عصير برتقال ..؟
وصايف.. من عيوني.. وتمسك التلفون وتطلب لهم...
وصايف.. رحيمه جيبي لغرفتي 4 ماي انزين باي..
هنادي.. لالالالالالا ابي كوكتيل ... وتهاوش هي وصايف على التلفون لين اخذته هنادي..
هنادي.. رحيمه جيبي لي كوكتيل والبنات مااي ..
ويقعدون البنات يتهاوشون على التلفون لين رحيمه سكرت بوجيهم ..
وصايف.. زين اللي سويتوه ...؟؟
اصايل.. عادي اصلن رحيمه متعوده علينا ..
رهف.. مافريتي بالبيت كله وصايف ...
وصايف.. لالالا بس الصاله وغرفة الطعام وغرفتي ..
رهف.. اجل يبيلك ثلاث ايام على ماتنهينه ..
وصايف.. الله وكبر

ويسمعون طق على الباب ...
وصايف.. مين ..
فارس.. انا
هنادي.. وش تبغي تقلع..
فارس.. يما ذي من طالعه يالله سكنهم منازلهم ..
البنات.. هههههههههههههههههههه
هنادي .. وتبطل الباب .. وش تبي خير امر تدلل..
فارس.. هاه خلاص مابي شي نسيت اللي ابيه .
اصايل.. تعود تطق باب الغرفه مرتن اخرى .
فارس.. لالا التوبه عماتي ماعاد اعودهاا . تبون شي ..
رهف.. أللحين انت اللي طاق الباب وتسألنا تبون شي ..
فارس.. الا وين وصايف....
هنادي.. منخشه نلعب غميضه بغيت شي ؟؟
فارس.. ويبتسم.. أللعب معاكم ..؟؟
هنادي.. وتأشر على باب غرفته .. تشووف هنااك شف هنااك ..
فارس.. ايه اشوفه شفيه ..
هنادي.. رح هناك أللعب ... وتسكر الباب بوجهه ...؟؟
فارس.. هين هناديوه تجين تطلبيني دسكات بلي ستيشن ..
هنادي.. وتفتح الباب .. بالله نزل جديد ..
فارس.. لالا انا بروح هناك هنااك ..
هنادي.. هههه ماينضحك معك ..
فارس.. لالا

تركي وصوته جاي من تحت ... فارس صوت على البنات بيمشون بيوتهم ..
فارس.. يالله طسوا لبيتكم ..
هنادي.. بالله ابي دسك..
فارس.. اسف انقلعي هناك .. ويأشر على تحت...
وراحوا البنات وهم بخيبت امل لانهم ادمان بلي ستيشن وممول الدسكات لهم فارس
وفارس زعلان عليهم .. ..

فضى البيت ومافيه احد نايف راح مع ولد عمه سلطان لبيتهم لانه يستانس هناك
واجد وبينام عندهم .....؟؟
وابو فارس.. راح ينام لانه تعبان ومو نايم من الصبح ..
اما فارس وتركي .. مثل عادتهم كل واحد رايح لربعه ...؟؟

وحالة وصايف حاله .. مغير تدور بالبيت مثل المجنونه الخدم كلهم نايمين وهي
ودها تستطلع بس خايفه لحالهاا .. قررت انها تروح تمشى بالحديقه وتشوفهاا ...؟
واول مادخلت الحديقه تطمنت ان مافيها احد نزعت الشيله من على راسها وحطتها
على كتفهاا وقامت تركض بالحديقه مستانسه مثل الطفل المسجون ولأول مره يطلع
للعالم وهي تدور وفارده ادينها وشعرهاا من كل ناحيه يطير ومابين ضحكاتها
الناعمه ههههههههه .. حست بشي مر من عندها بسرعه وقفت وقامت تتلفت ..
وماشافت احد ونتابها الخوف .. سمعت خطوات جايه من وراهاا وكان المكان شبه
مظلم وماكانت تميز حيل منو اللي وراهاا ... قامت تلف راسها ببطئ وتدعي
بقلبهاا .. يارب يارب ...
واول مالتفتت ... شهقت ..

ياترى منو الشخص اللي كان ورى وصايف ..؟؟
وهل راح تستمر حال وصايف مع عمها طبيعيه ولا راح يجي شخص يخرب عليها ..؟؟

القااكم في الاجزااء القاادمه من القصه